Tranvía  en  la  zona  sur  de  Gasteiz.  ¿Por  qué  hay  vecinas  que  no  lo  quieren?

Tranvía en la zona sur de Gasteiz. ¿Por qué hay vecinas que no lo quieren?

Una de las consecuencias de las obras puede ser, entre otras, la tala de más de 260 árboles. Desde la Plataforma Contra la Ampliación del Tranvía denuncian que no se haya respetado lo aprobado en lo que respecta al proyecto.

Cualquiera que se de un paseo por la zona sur de Gasteiz, sea el barrio de San Cristobal o el de Adurtza, verá diferentes modos de protestar contra la extensión del tranvía. Hay quien lo reivindica desde su balcón; pero también hay árboles que “toman voz” y avisan de que dentro de poco pueden ser talados. Las vecinas que están desacuerdo con la ampliación lo tienen claro, la obra no tiene pinta que se vaya a parar. Parece que la voluntad del Ayuntamiento es la misma.

No tiene pinta, ya que la adjudicación de las obras se espera para octubre. Las obras, por lo tanto, podrían estar en marcha en navidades. Por mucho que se declaren cómo “obras de interés general”, hubo grupos de vecinas de San Cristóbal que presentaron alegaciones en contra de las expropiaciones. A día de hoy, denuncian no haber recibido respuesta del Gobierno Vasco.

Pero parece que el Ayuntamiento de Gasteiz tampoco. La Asociación de Vecinos y Vecinas Hegoaldekoak ha presentado en agosto ocho alegaciones en contra de la Modificación Puntual y Estructural del Plan General de Ordenación Urbana (PGOU) de Gasteiz y a día de hoy siguen sin respuesta. 

Estructura y plan de las obras

Las obras empezarán desde dos extremos diferentes: Nieves Cano y Angulema. Un estudio informativo que se hizo público y un estudio constructivo que no es público, contemplan el proyecto por fases. Desde la Plataforma Contra la Ampliación del Tranvía denuncian que no se haya respetado lo aprobado. “¿Por qué han tomado esta decisión?”, se preguntan. 

Desde la Plataforma reconocen que “el tranvía es un transporte de éxito en Gasteiz y demandado por la ciudadanía”. Pero se preguntan  quién ha pedido la ampliación del tranvía al sur. Denuncian tener, en ese sentido, falta de información.

Consecuencias de las obras

Las consecuencias de las obras pueden ser varias pero son de destacar las medioambientales. Desde la Plataforma mencionan varias, aunque son cuatro las más reseñables:

  • Un total de 266 árboles talados, algunos de ellos de 60 años de antigüedad.
  • Eliminación del Parque Fuente de la Salud; a cambio, se pretende colocar un muro.
  • Una parte del espacio público universitario será recortado; se pretende eliminar parte del Parque María de Maeztu.
  • Aceras recortadas, impidiendo la colocación de las terrazas.
Ez  ohiko  bilera  egingo  du  Ensanche  21ek  asteazkenean,  Errekaleorren  eraiste  prozesua  azkartzeko

Ez ohiko bilera egingo du Ensanche 21ek asteazkenean, Errekaleorren eraiste prozesua azkartzeko

Errekaleor Bizirikek Herri Adierazpena deitu du Ensanche 21en bilera orduan: 18:00etan Andra Maria Zuriaren plazan. Ez ohiko bilkura honekin, prozedura judizialak ahalik eta lasterren has daitezen bilatuko dute Ensanche 21ek eta Gasteizko Udalak. BIM Survey da Udalak hautatu duen enpresa: urrian aurkeztu beharko du eraiste plana.

Irailaren 13an, asteazkenean, Ensanche 21 Gasteizko Udaleko hirigintza sozietateak ez ohiko bilera egingo du. Bilera horretan Errekaleor eraisteko planaren erredakziorako enpresa esleitzeko asmoa dute eta BIM Survey hautatuko dute horretarako. Enpresak, trukean, 35.000€ baino gutxiago jasoko ditu eta plana hilabete bat baino lehenago aurkezteko konpromisoa hartu. Modu honetan, eraiste prozesuak beste urrats bat egingo du aurrera. Hori gutxi baliz, auzokideak identifikatzeko eta errekaleortarren aurkako salaketak jartzeko agindua onartu daiteke bileran. Ez ohiko bilkura honekin, prozedura judizialak ahalik eta lasterren has daitezen bilatuko du Ensanche 21ek eta Gasteizko Udalak.

“Zergatik nahi duzu Errekaleor Bizirik?”

Galdera hori erantzungo diote herritarren asteazkenean bertan. Errekaleor Bizirik-ek deituta, Ensahce 21en bileratik metro gutxitara “Herri Adierazpena” egingo dute eta bertan parte hartzeko deia luzatu diote Gasteizko herriari. 18:00etan izango da hitzordua, asteazkenean bertan, Andra Maria Zuriaren plazan.

Errekaleor Biziriken deialdia

 

5.000  sinadura  bildu  nahi  ditu  Gure  Esku  Dagok  Aiaraldean  herri  galdeketa  egiteko  2018an

5.000 sinadura bildu nahi ditu Gure Esku Dagok Aiaraldean herri galdeketa egiteko 2018an

Gure Esku Dago plataformak agerraldi jendetsua egin du gaur Arespalditzan jakinarazteko urrats berriak emango dituela herri galdeketak gauzatzeko 2018an.

Aiaraldea.eus bidez

Arespalditzako Udaletxean egin du gaur prentsaurrekoa Aiaraldeko Gure Esku Dago plataformak iragartzeko sinadura bilketa abiatuko duela. Ekimenaren helburua da 5.000 sinadura jasotzea Aiaran, Artziniegan, Okondon, Amurrion eta Laudion.

Sinadura kopuru horrekin -biztanleen % 10- babes nahikoa eskuratu nahi dute 2018an herri galdeketak antolatzeko aipatutako herrietan. Kanpaina azaroan bukatuko da.

16 urtetik gorako herritarrei galdetu

Erabakitzeko eskubideari buruzko galdeketa gauzatu nahi dute eskualdean eta euren iritzia eman dezaten deituko dituzte 16 urtetik gorako herritarrak.

Uriarte  eta  Adunari  ezarritako  espetxe  zigorrak  salatu  dituzte  Gasteizen

Uriarte eta Adunari ezarritako espetxe zigorrak salatu dituzte Gasteizen

Kalera Kalerak deituta, manifestazioa egin dute Gasteizko erdialdean Igor Uriarte eta Raul Adunari 6 eta 7 urteko espetxe zigorrak ezarri ostean. Guztira 300 lagun baino gehiagok egin dute bat mobilizazioarekin.

Lagun ugari batu dira Gasteizen, ostiraletan burutzen den Etxeraten elkarretaratzearen ostean, Kalera Kalerak deituta “Txopo” eta “Felli”ren askatasuna eskatzeko. Manifestazioa amaitzerakoan deitzaileek azaldu dutenez, auziperatuek Parisen egin bezala, “errepresioa bertan behera uztea eta eszenatoki demokratikoa lortzerako bidean pausoak emateko” beharra azpimarratu dute.

Gainera, Kalera Kaleratik, Euskal Herriko eragile politiko, sindikal eta bestelako antolakundeei preso, iheslari eta deportatuen etxeratzean konprometitzeko deia luzatu diete. Abenduaren 9an, Pariseko mobilizaziora joateko deia egin dute aldi berean.

Ostegunean amaitu zen Igor Uriarte eta Raul Aduna gasteiztarren aurkako epaiketa Parisen, Frantziako epaitegietan. 6 urteko espetxe zigorra ezarri diote Uriarteri; 7, aldiz, Adunari.

Uriarte eta Aduna 2013ko uztailaren atxilotu zituzten Frantziako indar polizialek, beste lau kiderekin batera. Epaiketan, beraz, sei lagun epaitzen ari dira guztira, prozedura korrekzionala baliatuz: gehienez 10 urteko zigorra ezarri ahal zieten. baina 7 urteko eskaera egin dute haietako laurentzako eta zortzi haietako birentzako. Uriartererentzako 7 urte eta Adunarentzako 8 eskatu dituzte. Azkenean, 6 urte ezarri dizkiote Uriarteri eta 7 Adunari.

 

Izan  Media  herri  komunikazio  tailerren  inguruko  informazio  guztia

Izan Media herri komunikazio tailerren inguruko informazio guztia

Aurtengo ikasturtea indartsu hasteko, Hala Bedik Izan Media herri komunikazio tailerrak antolatu ditu beste urte batez. Irailaren 23an, egun osoan zehar burutuko dira Oihaneder Euskararen Etxean. Udako oporrak hasi baino lehen iragarri ziren tailerrak, eta irailaren 18an izena emateko epea amaituko da.

Tailer hauen helburua, komunikabide handiek jartzen dituzten gero eta traba handiagoei aurre egiteko hazia ereitea da. Herri mugimenduak zein norbanakoak komunikazioaren arloan ahalduntzea eta, bide batez, Hala Bediren proiektu komunikatiboan inplikatzea.

Edukiei dagokionez, hauek dira antolatutako bost tailer ezberdinen (irratigintza, argazkilaritza, kartelgintza, bideogintza eta prentsa / sare sozialak) nondik norakoak:

» Kartelgintza

Irakasleak: Aimar Cordero (HalaBideo) eta  Albaro (DOSporDOS).

Goizean, kartelgintza munduan lehenengo pausoak emateko aukera izango da. Hasieran, programak eskaintzen dituen erreminta ezberdinak ikasiko dira, adibide praktikoekin. Bukatzeko, kartel ezberdinak egiteko aukera izango da, guztien ideiak eta praktika elkarbanatuz

Arratsaldean, kartel landuagoak egiteko oinarria emango du tailerrak. Hasierako ataletan, kontzeptu teoriko batzuk azalduko dira: konposizioa, kolorea, testuak… ondoren praktikara eramateko, kartel bat egiteko modu bat jorratuko da diseinurako erreminta ezagun batekin. Diseinu grafikoko erreminta informatikoen oinarrizko ezagutzak izan behar dira, hau da, goizeko tailerreko formakuntza.


» Bideogintza | BETETA

Irakasleak: HalaBideo taldea.

Talde ezberdinetan banatuta, ikusentzunezko proiektu bat sortzeko oinarriak emango dira, aurrerantzean bakoitzak garatu beharrekoak.

Goizean, irudien eta soinuen grabazioaren oinarrizko teoria jaso ostean, praktikara pasako da: taldeka, rol ezberdinak banatuz eta txandakatuz, bideo baterako errekurtsoak grabatuko dira (errekurtso-plano ezberdinak eta elkarrizketa bat).

Arratsaldean, bideo-edizioaren oinarriak landuko dira: programako erremintak, irudien eta soinuen nahasketa, errotuloak. Ostean, bideoei formatua eman eta sarean zabaltzeko azalpenarekin batera, tailerrean egindako lanak proiektatu eta komentatuko dira.


» Irratigintza

Irakasleak: Imanol Miranda, Alba Fernandez, Iraide Mezo eta Gaizka Amondarain.

Ahozkotasuna irratigintzan: hausnarketa, teoria eta produkzioa. Ahozkotasunaren gakoak aurkeztu eta ahozko produkzioan barneratuko gara hitza mingainetik mikrora eramanaz.

Irrati mahaiaren erabilera: irrati mahai baten funtzionamendua ezagutu eta ahozkotasunean sortutako audioak grabatuko dira (irratian).

Audio edizioa: Grabatutako audioak editatzen ikasi, oinarrizko programa baten bitartez.


» Argazkilaritza

Irakaslea: Raul (DOSporDOS)

Argazkilaritzaren oinarrizko printzipioak ikasiz hasiko da. Ondoren kamera digital bat nola erabili ikasiko da. Behin oinarrizko printzipioak eta kameraren erabilera ikasita, argazki bat egiteko irizpideak ikasiko dira. Teoriarekin bukatzean ariketa praktiko batzuk egingo dira.


» Prentsa eta Sare Sozialak

Irakasleak: Axier Lopez (Argia), Lander Arbelaitz (Argia) eta herri mugimenduko esperientzia ezberdinak (besteak beste, Gora Gasteiz eta Errekaleor Bizirik).

Goizean, EHko eta nazioarteko ekimen eta ekintza ikusgarrien bitartez, eta kazetarien ikuspegia kontuan hartuta, ondorio, gomendio eta ikasgai batzuk lortzen saiatuko gara herri mugimenduaren praktika politiko eta komunikatiboa hobetzeko, besteak beste, sare sozialak baliatuta.

Arratsaldean, herri mugimendutik prentsarekin harremana nola kudeatu ikasiko da, hau da, deialdi eta mobilizazioen berri emateko zein estrategia komunikatibo bat aurrera eramateko irizpideak. Horretarako, herri mugimendu esanguratsu batzuen esperientzia jaso, eta ondoren, kasu zehatzetatik abiatuta, lanketa komunikatibo on bat garatzeko ariketa praktikoa egingo da.


» Parte hartzeko irizpideak

Parte hartzeko, harremanak.halabedi@gmail.com helbide elektronikora email bat bidaltzea nahikoa da, izen-abizenak, kontaktua eta aukeratutako tailerra idatziz. Matrikulazioa eginda, 10€ ordaindu beharko dira egunean bertan, eta Hala Bediko USB bat emango da opari, tailerren eduki teorikoekin eta hainbat erremintekin.

Tailer guztiak aldi berean garatuko dira, bi bloketan banatuta: 10.00etatik 13.00etara goizean, eta bazkalostean, 16.00etatik 19.00etara. Izena eman duten pertsonak 9.45etan azaldu beharko dira Oihaneder Euskararen Etxera.

Honetaz gain, tailerretara datozenek, Hala Bedi Tabernan 8€ren truke eguneko platerra (marmitakoa) eta edaria izango dituzte aukeran, baina aldez aurretik abisatu behar da bazkariaren aukera nahi bada.

Zigoitiako  Euskal  Jaia,  belaunaldiz  belaunaldi  euskal  kultura  bultzatzen

Zigoitiako Euskal Jaia, belaunaldiz belaunaldi euskal kultura bultzatzen

1963. urtean jaio zen Mairuelegorretako jaiaren beste edizio bat ospatuko dute igandean Gorbeia magaleko kobetan. Lantalde finko batek ardura nagusiak hartzen dituen arren, herri osoaren konpromisoa nabarmendu dute antolatzaileek.

Euskara eta euskal kultura sustatzeko helburuarekin, 1963. urtean  Manuel Iradier Txangolari Elkarteak, espeleologo ugarirekin batera,  lehen Euskal Jaia antolatu eta ospatu zuen Mairuelegorretako kobetan. Urtez urte, jaia indartzen joan zen baina honen fama ez da soilik antolatzaileen ardura. Hain ezaguna izatearen ardura, neurri handi batean, garai hartako errepresioak dauka. Euskal Jaiak errepresio gogorra jasan behar izan zuen Estatu Frankistaren partetik. Hala ere, urtez urte, oztopoz oztopo eta belaunaldiz belaunaldi bizirik mantentzea lortu dute.

Gaur egun, oraindik ere, bizirik dago. Oso bizirik: antolatzaileek bereak eta bi egin behar dituzte Gorbeia magalera hurbiltzen diren herritarrak kobazuloetan sartzeko. Askotan, ordea, ez dago lekurik eta hauetako asko kanpoan geratu behar dira. Hori dela eta, igandeko ediziora ere denboraz joatea komeni da.

Azken urteotan bi asteburuz luzatzen den jaia bihurtu da Zigoitia Euskaraz. Lehenengo asteburuko larunbatean tradizio bihurtu den bizikleta martxa burutzen dute eta igandean meza euskaraz egiten dute herrian. Koba baten barruan hasi zena, herrira, eskualdera eta herrialdera zabaldu da.

“Lantalde nagusiak gidaturiko zeozer da Zigoitia Euskaraz, baina herri osoak erantzuten du”. Hala ere, gazteen presentzia indartzea beharrezkoa ikusten dute antolakuntzatik.
Antolakuntza bolondresa eta parte hartzailea

Antolakuntzaren lekukoa urtez urte aldatzen joan den ardura bat da. 1990. urtea izan zen mugarri nagusietako bat: Zigoitia Euskarazeko lantaldeak hartu zuen Euskal Jaia eta bestelako jarduera eta ekitaldiak kudeatzeko ardura. Lantalde horretatik Zigoitiako herritar ugari pasa dira, adin guztietakoak: belaunaldi ezberdinek mantendu dute bizirik taldea. Urteak pasa ahala, Euskal Jaiaren inguruan bestelako jarduera batzuk agertzen joan dira: Korrika bizikletaz, meza euskaraz, dantza erakustaldiak, herri kirolak… Guztiak euskara eta euskal kulturari bultzada emateko helburuarekin.

Antolakuntza guztiz irekia, bolondresek osaturikoa. Zigoitiako herritarrez osaturiko lantaldea da, baina Zigoitiako Udalak ere lagundu egiten du. Baina lana ez da lantalde finko batera mugatzen. Izan ere, antolakuntzatik azaldu dutenez, “herriaren erantzuna nahiko potentea izaten da jarduera guztietan. Lantalde nagusiak gidaturiko zeozer da Zigoitia Euskaraz, baina herri osoak erantzuten du”. Hala ere, gazteen presentzia indartzea beharrezkoa ikusten dute. 

Irailaren 10eko Euskal Jaia

Ez dago aldaketa handirik egitarauaren formatuari dagokionez. Izen nagusietan, aldiz, aldaketak egongo dira; protagonistak, berriz, herritarrak. Txalaparta, bertso-hopa Viñaspre eta Pastorrekin, Gibelurdinak, Jare Dantza Taldea eta Zigoitiako nesken dantzak. Bukatzeko, sorpresa bat ere iragarri dute, hurbiltzen direnek gozatu ko duten emanaldia. Kobatik jeisterakoan, herrian jarraituko du festak: bazkari herrikoia eta Laiotzen eskutik dantzaldia. Ikasturteari ongi etorria emateko plana antolatzen dute, familia giroan edo lagun giroan gozatzeko. Hori bai, ez ahaztu: koba guztietan bezala, honek ere frontalen edo linternen beharra dauka -etxetik eramatea komeni-.

Egitarau orokorragoan zentratuz, Zigoitia Euskarazeko nobedadetako bat larunbateko zesta-punta erakustaldia izango da; ostean, jolasteko eta ikasteko aukera ere egongo da. 

Errekaleor,  lau  urteren  ostean,  bizirik.  Eta  orain  zer?

Errekaleor, lau urteren ostean, bizirik. Eta orain zer?

Lau urte bete dira hamar ikaslek Errekaleorreko eraikin hutsak okupatzeari ekin ziotenetik: auzoa errotzeaz gain, gora egin dute bertako ekimenek, Udalaren mehatxuek gora egin duten bezala. Proiektu berriak sortu nahi dituen proiektu handi batek beste mehatxu handia izango du aurrean: eraistea.


2013ko irailaren 3a. Hamar ikaslek Gasteizen ia hutsik zegoen Errekealeor auzoko blokeak okupatu zituzten eguna. Gasteizen herritarrek eta bertara ikastera datozen ikasleek duten etxebizitza arazoari irtenbide bat eman nahi ziotela zirudien. Askoz gehiago zen. Autogestioan oinarritutako proiektu bat jaio zen, lau urteren ostean errotu den proiektua: “Errekaleor Bizirik” martxan zen, Europa mailan apenas ispilurik gabeko egitasmoa.

Ikasle gehiago, gazteak eta hain gazteak ez direnak… Gero eta jende gehiago hasi zen auzoan bizitzen, auzoa eraldatzen eta ideien faktoria bilakatzen. Are gehiago, badaude jada auzoan jaio diren umeak. Familia txikiak sortu dira familia handi baten erdigunean.

Pertsonak bai, baina auzoa ere bai. Gasteizko frontoi handienetako bat Herri Mugimenduaren topaleku bihurtu da behin baino gehiagotan, apurka – apurka hau konpontzeari ekin dioten heinean. 1976ko Martxoaren 3an erahil zuten Romualdo Barroso auzokidearen omenez zinemak bere izena hartu du, FilmErreka edo bestelako emanaldiak eskainiz auzoan. Elizak izaten dira auzo eta herrietako bereizgarrietako bat. Errekaleorrek ere badauka… edo bazeukan? Auzoan beste erabilera bat eman diote eraikinari, Gaztetxe bilakatuta. Bertatik pasa dira Harresian Zulo, Willis Drummond, Anari edo Izaki Gardenak taldeak, bestea beste. Kulturaren eta kultura alternatiboaren topaleku ere da orain.

Willis Drummond Errekaleorren, 2017ko maiatzean

Mehatxu gero eta serioagoak

Ikasle eremutik haratago hazi zen Errekaleor. Hazi ez ezik, gasteiztar gehienek ahaztuta zuten auzo bat hiriburuko egunerokotasunean integratzen joan zen. Baina haientzako ezezaguna zena 2015eko martxoan hasi zen ezagunagoa egiten: Udaltzaingoak argia moztu zien auzokideei, herritar batzuk zaurituz bertan burututako kargengatik. 

Hasi ziren orduan modu ezberdinetako mehatxuak. Javier Maroto popularra alkatetzan zegoen oraindik, baina hilabete gutxi falta ziren hau kanporatzeko eta Gorka Urtaran jeltzaleak Gasteizko makila hartzeko. Urtaranek kudeatu beharko zuen gaia eta ez zuen denbora askorik behar izan posizionatzeko: “Errekaleorren ezin da bizi”, esan zuen Hala Bediko Araba Hizpide magazinean. Ez zeraman urtebete agintean hain argi hitz egin zuenean, nahiz eta hurrengo hilabeteetan diskurtsoa mantsotu.

Auzoan gero eta jende gehiago bizi zen, gero eta ekimen gehiago antolatzen zituzten… 2017ko maiatzaren 18ra arte. Hor hasi zen Udalaren partetik Errekaleor Bizirik proiektuaren aurkako eraso plan handiena. Argia kendu, kargak, auzoko argi publikoa moztu.., eta egun bat beranduago auzoko eraikinak eraitsiko zituela konfirmatu. Bostgarren martxa egun batetik bestera jarri zuen martxan Urtaranek. Eraitsi edo eraispen hitzak erabiltzen zituen lehenengo aldia zen hau.

Erantzuna ez zen auzo batera mugatu. Herri Mugimenduak erantzun zuen ekainaren 3an, “Herria Bizirik” lelopean 10.000 lagun inguru batuz. Hein handi batean, Herri Mugimenduak berak hartu zuen Errekaleor defenditzeko borroka. Hala ere, gutxi aldatu zen Udalaren diskurtsoa; hau lasaitu ordez, eraso berbalak gero eta ugariagoak bihurtu ziren ikasturte amaieran, besteak beste, Ezker Abertzaleak kontrolatzen duen proiektu bat dela argudiatzeraino. Hala ere, segurtasun arrazoiak edo arrazoi teknikoak aitzaki bat baino ez zirela agerian geratu zen uztailaren 10ean jakin genuenean Udalak ez zeukala auzoa eraistea justifikatzen zuen txostenik. Are gehiago, Arabako Arkitektoen Eskolako informe batek eraikinen egoera aproposa zela erakutsi zuen. Orain arte erabilitako arrazoiek ez zuten baliagarritasunik. Borondate politikoa zen arrazoi bakarra, PSEk eta PPk elkarbanatzen duten arrazoi politikoa.

Proiektu berriak sortu nahi dituen proiektu handi batek beste proiektu baten mehatxua izango du aurrean: eraisterena. Herri Mugimenduaren bidea eta instituzioena ere, aurrez aurre egongo dira, berriz ere.
Energia berriztagarrien apostua

2017ko ikasturte amaieran, energia berriztagarrietara saltoa emateko konpromisoa hartu zuten. Aurretik zuten erronka ez zen makala. Aste gutxietan 100.000 € lortu nahi zituzten. Erronka bete zuten, aise gainera, ezarritako diru kopurua gainditu baitzuten. Euskal Herriko irla energetiko handiena izango dira hemendik hilabete gutxira.

Izan ere, 2017-2018 ikasturte hasierarekin batera eguzki plakak instalatzeari ekin diote auzoan. Urrian, aldiz, inaugurazio ofiziala egingo dute. Gainera, hilabete horretan zehar Coopfundingean parte hartu zuten norbanako eta eragileei sariak emango dizkiete: muraleko izena, tailerrak, material ezberdina, bertso saioa… 

Baina energia berriztagarria ez da eguzki plakekin amaitu. Bi astez luzatu zen auzolan baten bitartez, profil ezberdinetako 12 pertsonek Piggot aerosorgailua eraikitzea lortu dute. “0 kilometroko” aerosorgailua gainera: energia elektrikoa lortzeko aerosorgailuaren parte ezberdinak ere auzoko tailerrean ekoitzi dituzte. 

Auzoa biziberritzeko bidean, eta jendeak Errekaleor gozatu ahal izan dezan, Errekaleor Bizirik proiektuaren 4. urteurrena ospatuko dute iraileko azken astean, 28tik 30era. Kontzertuak, antzerkiak, hitzaldiak… eta beste hainbat ekimenetan izango dira, eta, batez ere, erasoen aurrean tinko jarraitzen dutela erakusteko asmoa dute orain.

Oztopoak oztopo, saltoz salto, datozen hilabeteak klabeak izango dira auzoarentzako. Proiektu berriak sortu nahi dituen proiektu handi batek beste proiektu baten mehatxua izango du aurrean: eraistearena. Hein handi batean, Herri Mugimenduaren bidea eta instituzioena aurrez aurre egongo dira, berriz ere.

 

 

Hala  Bedin  parte  hartu  nahi  duzu?  Idatziguzu!

Hala Bedin parte hartu nahi duzu? Idatziguzu!

Magazinak, sare sozialak, albisteak, teknika, irratsaio berriak… Edonork har dezake parte Hala Bediren ikasturte berrian. Ez da jakintzarik behar proiektuaren parte izateko: norberak ahal duena eginez, elkarrengandik ikasiz eta elkarri irakatsiz.


2017-2018 ikasturtea hastearekin batera, Hala Bedik ere erronka berriak jarri nahi ditu martxan. Irrati libre bat baino askoz gehiago bihurtu den proiektua handitzearekin batera, komisio berriak jarriko dira aurten martxan, tartean, sare sozialen eta albisten erredakzioa. Modu honetan, arlo digitalean aurrerapausoak emango ditu aurten irratiak.

Baina proiektu komunikatibo herritar hau indartzen jarraitzeko militantziaren beharra du Hala Bedik. Militantzia malgua, bakoitzak ahal duena emateko borondate eta gogoekin; konpromiso maila ezberdinekin, eta konpromisoa ez soilik Hala Bedirekin, baizik eta Arabako herri mugimenduarekin dugula kontutan hartuz. Lehen urrats gisa, herri mugimenduak eta pertsonak komunikazioaren arloan ahalduntzeko helburuarekin, Izan Media tailerrak antolatuko dira irailaren 23an, Oihaneder Euskararen Etxean. Honekin batera, proiektuan parte hartzeko ateak parez-pare ireki nahi ditu Hala Bedik.

Askoz luzatu gabe, hauek dira militantzia premia behar duten irratsaio, komisio edo talde ezberdinak. Harremanetan jartzeko, zalantzak argitzeko, talde baten kide izateko edo zeozer berria proposatzeko: harremanak.halabedi@gmail.com.

  • Magazinak -irratsaio nagusiak-

Kolaborazio puntualak, lokuzioa, teknika, grabazioak, nahi duzun gaiari buruz astero/hilabetero/ahal duzun uneoro elkarrizketa grabatzeko eta programan emititzeko aukera… Hiru magazin nagusi ditugu: Araba Hizpide (Hala Bedi Bi, astelehenetik ostiralera, 09:00etatik 11:00etara), Kantoia (Hala Bedi Bat, astelehenetik ostiralera, 18:00etatik 19:00etara) eta Suelta La Olla (Hala Bedi Bat, astelehenetik ostiralera, 10:00etatik 14:00etara gaztelaniaz).

  • Albisteak eta sare sozialak

Esan bezala, aurtengo nobedadeetako bat sare sozialetan eta eguneroko informazioan jarriko ditugun indarrak izango dira. Hori dela eta erredakzioaren komisioa sortuko da ikasturte hasieran, sare sozialak, webgunea, kolaborazio/erreportaje idatziak eta eguneroko gaiak kudeatzeko. Hala Bedi agenda propioa markatzeko gai dela uste dugu.

  • Teknika

Edozein proiektu komunikatibok teknikaren lana behar du. Mahaiak konfiguratu, ordenagiluetan aldaketak txertatu eta zerbitzu informatiko ezberdinen manteinua funtsezko ezaugarriak dira hedabide batek ondo funtzionatzeko. Gai hauetan aditua den edonork dauka aukera bertan parte hartzeko edo hauek nola kudeatu ikasteko.

  • Bideoak

Ikasturte batzuk geldituta egon ostean, 2015eko irailean berriz jarri zen martxan Hala Bideo taldea. Azkenengo bi ikasturtetan 100 bideo inguru egin ditu talde honek: elkarrizketak, erreportajeak, mobilizazio ezberdinen jarraipenak… Bideoak editatu, montatu… egin dira ordutik; hala ere, ez da beharrezkoa bideo edizioan edo grabazioan trebezia izatea. Edozein gidoi, ideia, proposamen, ongi etorria da taldean. Gainera, bideo ediziorako formakuntza itzela izan daiteke talde hau, dakitenek irakatsiz ez dakitenek ikasteko.

  • Egin zure irratsaioa!

Baina esan bezala, Hala Bedi aurreko lau puntuak baino askoz gehiago da. 30 irratsaio inguru ditugu eta ziur gaude baten bat zure gustokoa izango dela. Eta ez badago zure gustokoa den irratsaio edo komisiorik… Zer egin nahi duzu? Jarri harremanetan gurekin eta proposatu zure irratsaioa, eskeini zure burua beste irratsaio batean parte hartzeko… Edozein zalantza gustora argituko dizugu: harremanak.halabedi@gmail.com.

Gasteiztar  baten  etxegabetzea  ekiditea  lortu  dute

Gasteiztar baten etxegabetzea ekiditea lortu dute

Mailegu-emaile batek “Gato” kaleratu nahi zuen arren, bertan behera geratu da kaleratzea. 11:00etan zuten hau eta bi adingabeko kaleratzeko asmoa eta Ertzaintza hurbildu da kaleratzea gauzatu nahian. Valentín kalean kokatuta dagoen etxebizitzatik kanporatu nahi zuten arren, epaitegiek bertan behera utzi dute etxegabetzea.

El  Gobierno  vasco  vuelve  a  aplicar  la  ley  mordaza  en  Araba,  esta  vez  a  Stop  Desahucios

El Gobierno vasco vuelve a aplicar la ley mordaza en Araba, esta vez a Stop Desahucios

Seis de sus activistas han sido sancionados con una multa de 602 € pero ya han anunciado que no la pagarán y recurrirán. Los hechos se remontan a septiembre de 2016 pero la multa ha sido notificada en pleno verano.

16 de septiembre de 2016. Alokabide desahucia en el barrio gasteiztarra de Zabalgana a Anastasia y dos menores. Las imágenes de aquel día se volvieron virales en la red: concejales que hacían fuerza en la puerta para que la Ertzaintza no pasase, cargas policiales, la propia Anastasia trasladada en ambulancia al hospital tras el desahucio… El Ayuntamiento y el Gobierno Vasco, sin embargo, defendían la actuación policial. Es más, el propio lehendakari Iñigo Urkullu fue denunciado por utilizar datos íntimos de Anastasia en un debate electoral en ETB. La noticia, además, dejó poso: la cerrajeria Canuto amanecía con pegatinas de Stop Desahucios por su implicación en el desalojo.

Sin embargo, casi un año después, parece que el desahucio no quedará atrás tan fácilmente. El Gobierno Vasco ha aplicado la ley mordaza a seis activistas de Stop Desahucios Araba por aquel desahucio. Ha sido una notificación, igual que la realizada a Hala Bedi, en pleno verano y con la acusación de “obstrucción a la autoridad”. Cabe recordar también que Anastasia quiso renegociar la deuda pero Alokabide se negó en su momento: dicha deuda ascendía a 9.000€.

La cantidad de la multa, al igual que otros casos parecidos, 602€. A pesar de ello, Stop Desahucios Araba ya ha anunciado que no pagarán la multa y que ahora comenzarán a luchar para que el expediente sea archivado. 

Stop Desahucios Araba, avisa: “Hacemos un llamamiento a todas las personas y organizaciones sociales que nos apoyáis a estar atentos dado que todavía no han comunicado a todos los experientados la propuesta de sanción”.

Así cargó la Ertzaintza en el desahucio

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies