Maialen (Sumendi): “Sumendi eguna orain arte egindako lanaren eztanda izango da”

Maialen (Sumendi): “Sumendi eguna orain arte egindako lanaren eztanda izango da”

Gaurkoan, Sumendiko kidea den Maialen izan da gurekin Kantoian. Larunbatean Sumendi eguna antolatu dute, egun osoko egitarau oparoarekin. Sumendiren “aurkezpen” gisa irudikatu dute eguna bera, nahiz eta urtebeteko ibilbidea duen proiektua izan eta azken hilabeteetan hainbat eta hainbat proiektu berri jaio diren. Auzoari zein gazteei ateak irekitzea izango da egunaren helburua. Sumendi, bertako antolaketa eta larunbateko egitaraua izan ditugu mintzagai Maialenekin, besteak beste.

Entzun
Garazi Goikolea eta Eneritz Basabe (Gaztedi neskak): “Etorri eta probatu”

Garazi Goikolea eta Eneritz Basabe (Gaztedi neskak): “Etorri eta probatu”

Gaztedi errugbi taldeko bi kide izan ditugu gaurkoan gurean, Eneritz Basabe eta Garazi Goikolea. Euskal Ligako bigarren postua lortu ostean hauek zoriontzea tokatzen zaigu eta horrez gain, aukera aprobetxatuz, zenbait kexka landu izan ditugu; emakumearen egoera errugbian, errugbiaren konnotazioak eta udako egitaraua besteak beste.

Entzun
Nerea Atxa (Arteko Antzerki Taldea) “Bizitzan aukerak dauden edo ez, horri buelta bat ematea da Aukerak antzerkia”

Nerea Atxa (Arteko Antzerki Taldea) “Bizitzan aukerak dauden edo ez, horri buelta bat ematea da Aukerak antzerkia”

Gaur Arteko antzerki taldearen kidea den Nerea Atxa izan dugu Kantoian. Igande honetan 19:00etan Gasteizko Arraiga gizarte etxean aurkeztuko duten Aukerak antzezlanari buruz aritu gara gaurkoan.

Nereak Aukerak zer nolako gaiak jorratzen dituen azladu digu.Bestalde, antzelana garatzeko jarraitutako bidearen inguruan hitz egin digu. Gainera, Arteko antzerki taldearen hasierak, iraganean egindako antzerkiaz eta taldearen etorkizunak aztertu ditugu berarekin.

Bukatzeko, Euskal Herrian antzerki alternatibo munduak pairatzen duen egoera kaxkarraren inguruan, Nereak honen inguruan dituen hausnarketak partekatu ditu gurekin.

Entzun
Itziar Irurozki Artajo (Gure Esku Dago): “Gasteiztarrek erabaki beharko dute Gasteizen herri galdeketa egin nahi den”

Itziar Irurozki Artajo (Gure Esku Dago): “Gasteiztarrek erabaki beharko dute Gasteizen herri galdeketa egin nahi den”

Gure Esku Dago mugimenduko kidea den Itziar Irurozki Artajo izan da Kantoian. Herri galdeketen helburuak, maiatzaren 7ko olatuen balorazioak, Gasteizen maiatzaren 21erako antolatuta dagoen ekitaldia eta sinadura bilketa eta ekainaren 10erako deitutako mobilizazio nazionala izan ditugu mintzagai, besteak beste.

Entzun
Ane Gebara (ipuin kontalaria): Ipuinen haria

Ane Gebara (ipuin kontalaria): Ipuinen haria

Gaurkoan Ane Gebara ipuin kontalariak Ferida Wolff eta Harreit May Savitzen “Ipuinen haria” liburua kontatu digu. Uxue Alberdik itzulitako eta Elena Odriozolak ilustratutako ipuina da eta amama ximur eta jostun baten istorioan murgiltzen gaitu. Eta amama honek zuloak adabatzen dituen bezala, Zaharraz Harron ere txokoak adabatzen arituko direla kontatu digu Ane Gebarak. Izan ere, badatoz gure auzo zaharreko jaiak, eta zaharra goraipatuz adabatuko dute auzoa. Horretarako, asteartero 18:00etatik 19.00ak arte Caritaseko eskolan bilduko dira jaietarako dekorazioa prestatzeko asmoz.

Entzun
Mikel eta Asier (Film erreka): “Maiatzan zehar film koloredunak eta zuribeltzak tartekatuko ditugu”

Mikel eta Asier (Film erreka): “Maiatzan zehar film koloredunak eta zuribeltzak tartekatuko ditugu”

Gaurkoan Mikel eta Asier filmerrekako kolaboratzaileak hilabetero bezala izan ditugu estudioan. Gaurkoan, film errekaren maiatzeko egitaraua aurkeztu digute. Hilabete honetan egongo diren pelikulak honako hauek izango dira:

Los Lunes Al Sol –  Maiatzak 7

12 hombre sin piedad- Maiatzak 14

My left foot – Maiatzak 21

Eva al desnudo – Maiatzak 28

Dakizutenez filmak errekaleorren barroso zineman izango dira, igandero 19:00-tik aurrera

Entzun
Asun artetik (Nerea Agirre eta Ania Aranzabal): “emakumearen osasun erreproduktiboaren inguruko mito asko dago gizartean”

Asun artetik (Nerea Agirre eta Ania Aranzabal): “emakumearen osasun erreproduktiboaren inguruko mito asko dago gizartean”

“Asun artetik” kolaborazio tartean (osasunaren inguruko kolaborazioa) Nerea Agirre eta Ania Aranzabal izan ditugu Kantoian. Emakumea eta bere osasun erreproduktiboaren inguruan aritu gara haiekin: mito eta eskubideak (eta hauen urraketak) izan ditugu mintzagai, besteak beste. Juan Gérvas eta Mercedes Péres-Fernández-en “El encarnizamiento médico con las mujeres” liburua ere gomendatu digute.

Entzun
Gotzone Lopez de Luzuriaga: “Espetxe barruan gaixotasunak are zailagoak dira”

Gotzone Lopez de Luzuriaga: “Espetxe barruan gaixotasunak are zailagoak dira”

Gotzone Lopez de Luzuriaga preso egon zen ia 25 urtez eta tarte horretan, kartzelan zegoela, aguraindarrari minbizia atzeman zioten. Gurean izan da gaur Lopez de Luzuriaga preso gaixoek bizi dituzten egoerak azaleratzeko eta berak bizi izan zuena kontatzeko ere. Horrez gain, presoen eta, bereziki, gaixo dauden presoen egoera gizarteratu behar dela adierazi du.

 

 

Entzun
Aritz Sukia (Oiertxo SOS): “Oierren alde egin den lan guztiak eragin zuzena izan du epailearen erabakian”

Aritz Sukia (Oiertxo SOS): “Oierren alde egin den lan guztiak eragin zuzena izan du epailearen erabakian”

Oier Gomez larriki gaixo dagoen preso politikoaren zigorra etetea erabaki du gaurkoan epaileak. Hala ere, preso gasteiztarra ez da oraindik aske geratuko, euroaginduen zain baitago, eta hauen ebazpena asteazkenean jakingo da. Ordura arte, Gomezek espetxean jarraitu beharko du. Gaurkoan, Oiertxo SOS plataformako kide den Aritz Sukia elkarrizketatu dugu azken berrien inguruan galdetzeko.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies