Ander eta Endika (Lumen Taldea): “Abestien letra bakoitzak badauka bere istorioa eta bere zergatia”

Ander eta Endika (Lumen Taldea): “Abestien letra bakoitzak badauka bere istorioa eta bere zergatia”

Gaur kantoian Gasteizko Lumen taldea osatzen duten Ander eta Endika izan ditugu gurekin. Izan ere, hauek formatu akustikoan poesia eta musika elkartzen saiatzen diren bikotea dira.Elkarrizketan zehar, taldearen ibilbideaz eta etrokizunerako duten planaz hitz egin digute. Gasteizko musika eszena errepasatzeko tartetxo bat izan dugu ere.

Entzun
Beñat Ortiz de Lazkano (Gasteizko Gaztetxea): “Ekainean egitarau anitza antolatu du Gaztetxeak”

Beñat Ortiz de Lazkano (Gasteizko Gaztetxea): “Ekainean egitarau anitza antolatu du Gaztetxeak”

Gaurkoan Gasteizko Gaztetxeko kidea den Beñat Ortiz de Lazkano izan da gurean. Hilabetero egiten duten bezela, ekainerako ere egitarau oparoa antolatu dute. Ekainaren 3ko manifestazioan Okupazio eta Autogestio blokean parte hartu zuen jende orori eskerrak emateaz gain, datorren asteetan antolatutako ekintzak izan ditugu hizpide: kontzertuak, kartzelen aurkako jardunaldiak, afari beganoa, zinema antiespezista eta Zaharraz Harro besteak beste.

 

Entzun
Asun artetik |  Aldez aurreko borondateak

Asun artetik | Aldez aurreko borondateak

Hilabetero bezala “Asun artetik” kolaborazioa izan dugu Kantoian Nerea Agirre medikuaren eskutik. Gaurkoan aldez aurreko borondateen inguruan aritu gara Nerearekin, eta baita Arrasateko famili medikua den Itziar Lasarekin ere. Aldez aurreko borondateak zertan datzan, zein kasutan eskatu daitekeen, prozedura legala eta beste hainbat zalantza argitu ditugu haiekin.

Informazio gehiago eskuratzeko linka ere luzatu digu Nereak: http://www.osakidetza.euskadi.eus/r85-pkvolu04/eu/contenidos/informacion/voluntades_anticipadas_prof/eu_volunt/volunt_inf_profesional_e.html

Entzun
Ainhoa Aizpurua eta Jone Ugartetxea (Txagoko Jaiak): “Aldarriei ikusgarritasuna eman nahi diegu pairatzen ditugun zapalkuntzak egunero borrokatu behar direlako”

Ainhoa Aizpurua eta Jone Ugartetxea (Txagoko Jaiak): “Aldarriei ikusgarritasuna eman nahi diegu pairatzen ditugun zapalkuntzak egunero borrokatu behar direlako”

Hamaikagarrenez badatoz Txagorritxu auzoko jaiak eta horregatik, gaurkoan, Txagoko jaietako kide diren Ainhoa Aizpurua eta Jone Ugartetxea izan ditugu gurean. Aurtengo egitaraua aldarrikapenez bete eta lehen lerroan jarri nahi izan dituztela ikusgarritasuna emateko azaldu digute. Horrez gain, barne hausnarketa baten ondorioz, hainbat aldaketa egiteko apostua egin dutela esan digute, besteak beste, janari agro-ekologikoa eta bertakoa. Egitarauaren barruan, urtero bezala tailerrak, haurrentzako jolasak, kontzertuak, hitzaldiak eta beste asko antolatu dituztela azpimarratu dute.

Entzun
Jon Ligüerzana (Lasterbidean): “Hiltzeko jaio zen ekimena da Lasterbidean”

Jon Ligüerzana (Lasterbidean): “Hiltzeko jaio zen ekimena da Lasterbidean”

“Lasterbidean” nazio elkartasun lasterketako antolatzaileetako bat den Jon Ligüerzana izan da gaurkoan gurean. Ekainaren 3 eta 4an ospatuko da ekimena, kontzertu, herri bazkari, umeen txoko, eta nola ez, ohikoak diren lasterketak ere antolatu dira. Hainbat berrikuntza ditu aurtengo edizioak; abesti berria, lasterketa patinen gainean egiteko aukera… Izena emateko zein egitarauari buruzko informazio gehiagorako lasterbidean.eus webgunean informazio guztia egongo dela ere azaldu digu Jonek.

Entzun
Lurdes Errasti (Denon Eskola): “Eskola euskalduna eta doakoa aldarrikatuko dugu igandean, jai giroan”

Lurdes Errasti (Denon Eskola): “Eskola euskalduna eta doakoa aldarrikatuko dugu igandean, jai giroan”

Denon Eskolako kidea den Lurdes Errasti izan da gaurkoan Kantoian. Igandean Euskal Eskola Publikoaren jaialdia ospatuko dute Gasteizko Zabalgana auzoan. Bihar bertan aurkeztuko dute igandeko egitaraua. Aurtengo leloa “Josi ta josi” izango da eta euskal eskolaren pluraltasun eta aniztasuna islatu nahi dute.

Entzun
Jai eredu alternatiboaren asanblada: “Gasteizko jaietan hutsune bat ikusi dugu eta gu alternatibak eraikitzera goaz”

Jai eredu alternatiboaren asanblada: “Gasteizko jaietan hutsune bat ikusi dugu eta gu alternatibak eraikitzera goaz”

Gasteizko jai eredu alternatiboa eraikitzen hasi diren asanbladako hiru gazte izan dira gaurkoan Kantoian; Itziar, Jon eta Unai. Duela hilabete batzuk hasi ziren biltzen, Gazte Eraiki topaketen harira, jai eredu alternatibo bat eraikitzerako bidean hainbat hausnarketa emanez. Auzo ezberdinetako gazteak biltzen dira asanbladetan, elkarren arteko harremana landu zein jai ereduaren baitan identifikatu dituzten hainbat hutsuneren inguruan bide berriak zabaltzeko asmoz.

Hau da zabaldu duten testua:

“Jai ereduaren inguruan eztabaidatzen hasi garen hainbat eragile eta auzotako gazteak gara. Gasteizko jai eredua lantzeko zein eraldatzeko taldea sortu dugu, alde batetik, Gasteizko gazteon arteko harreman falta sumatu dugulako eta, bestetik, jai ereduan hutsune eta kontraesanak nabaritzen ditugulako: musika eredu komertziala eta sexista agerikoa da gure jaietan; edalontzi berrerabilgarriak erabili arren, ez dugu ekoizten den zaborra murrizteko bestelako planteamendurik martxan jartzen; ez dugu jai eremuan euskara nahi genukeen bezainbeste entzuten ezta indartzen ere; zaila egiten zaigu zaintza erdigunean jartzea ; orokorrean multinazionalei erosten diegu, bertako produktuak zaindu gabe; kontsumo burugabe batean oinarritzen dira jaiak…

Hori guztia aldatzeko eta eztabaidatzeko, pixkanaka urratsak emateko apustua egiten dugu Gasteizko gazteon arteko koordinazioaren bidez. Gure jaiek dituzten hutsune eta kontraesanen aurrean, gazteon parte hartze aktiboa eta konpromisoa beharrezkoa dela uste dugu. Gaur egungo jai eredua errotik apurtu eta gazteok gure jai eredu propioa eraikitzera goaz, autogestioan eta parte hartze zuzenean oinarrituta.

Edonola ere, ez genuke nahi sortuko dugun alternatiba auzoetako eta Gasteizko jaietara soilik mugatzerik, bestelako egun eta guneetan ere eragitea baita gure asmoa.

Hainbat dira orain arteko eztabaidetan ateratako ideiak. Adibidez, Euskal Herriko gainerako herri eta hirietan bezala, Gasteizen ere hiriko gazteak batzeko koadrila, talde, konpartsa edo dena delakoa sortzea eta gaur egun Gasteizko jaietan eta gainontzeko egun berezietan (San Prudentzio, Santiago, inauteriak) egiten diguten eskaintzari alternatibak ezartzea.

Jakin badakigu proiektu honen atzean ikaragarrizko lana dagoela, baina jasoko dugun uztak merezi du: auzo, eragile eta gazteon arteko harreman berriak sortuko dira eta gazte mugimenduak indarra hartuko du; gainera, zentzua emango diogu Gasteizko jai ereduari, ikuspegi alternatibo eta eraikitzaile bat praktikan jarriz.

Bukatzeko, deia luzatzen diogu proiektu honekin identifikatuta sentitzen den gazte orori, guztion indarrak batuz soilik izango baita posible Gasteizko jai eredua eraldatzea.”

 

GASTEIZKO JAI EREDUA ERALDATZERA GOAZ!

Entzun
Maider Zabalegi: “Diska hau askoz intimoagoa da”

Maider Zabalegi: “Diska hau askoz intimoagoa da”

Maider Zabalegi izan da gaurkoan Kantoian. Diska berria kaleratu du bakarka, “Zuei” izenekoa, urte batzuk isilean igaro ondoren. 10 kantuz osatutako diska izan dugu mintzagai, baita sorkuntza prozesua eta ibilbide berriaren nondik norakoak, besteak beste. Zuzeneko abesti bat entzuteko aukera ere izan dugu, gitarraz lagundua etorri baita Hala Bediko estudioetara.

Entzun
Errekaleor Bizirik: “Ez gaude bakarrik, herriaren babesa dugu, Errekaleor herriarena baita”

Errekaleor Bizirik: “Ez gaude bakarrik, herriaren babesa dugu, Errekaleor herriarena baita”

Gaurkoan Errekaleor Bizirik-eko kidea den Asier izan dugu gurean. Gaur goizean izan den prentsaurrekoa izan dugu mintzagai;  ostegunean emandako erasoa (Ertzaintzaren jarrera, gertaeren garrantzia), herriarengandik jasotako babesa, oraingo egoera, ekainaren 3an deitu duten manifestazioa eta Errekaleorreko jaiak izan ditugu hizpide, besteak beste.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies