“Gastu-araua betetzen ez bada, ekonomiaren bitartez erabaki politikoak ere har ditzake Espainiak”

“Gastu-araua betetzen ez bada, ekonomiaren bitartez erabaki politikoak ere har ditzake Espainiak”

Iban Santamaria kazetaria

Gastu-araua da, defizit-muga eta zorpetze-mugarekin batera, erakunde publikoen finantzak gidatzen dituen arauetako bat. Krisia bete-betean jotzen ari zenean ezarri zen, eta egoera ekonomikoa hobetuz joan den heinean, arazo bilakatu da, izan ere ez du gasturik egitea baimentzen ehuneko kopuru batetik aurrera. Udalak, diputazioak eta EAE zein Nafarroako gobernuak eskuak lotuta daude horren aurrean, hori gaindituz gero, Espainiak esku-hartzeko aukera baitu. Hala, erakundea gidatzen duen alderdiaren arabera, “arrazoi politikoetan oinarritutako erabaki ekonomikoak hartzea” ere gerta daitekeela esan du Iban Santamaria BERRIAko kazetariak.

 

Entzun
Igor Muñoz: “Beharrezkoak dira Helena Maleno bezalako giza eskubideen aldeko aktibistak”

Igor Muñoz: “Beharrezkoak dira Helena Maleno bezalako giza eskubideen aldeko aktibistak”

Helena Maleno aktibistarekiko elkartasunez, elkarretaratzea deitu du Ongi etorri errefuxiatuak plataformak datorren hilaren 30erako. Giza eskubideen defendatzailea da Maleno, ‘Caminando Fronteras’ kolektiboko ekintzailea, eta Itsas Salbamendukoei abisatuz Gibraltarreko itsasartean galduta zegoen jende askoren bizitzak salbatu ditu. Igor Muñoz Ongi etorri errefuxiatuak Araba plataformako kidearekin hitz egin dugu berari buruz. Urtarrilaren 10ean elkarretaratzea deitu dute Korreos parean, arratsaldeko 19:30ean.

Entzun
“Nire bila etorri zirenean…” -Bego Zuza-

“Nire bila etorri zirenean…” -Bego Zuza-

Ez dot ezer ulertzen

Aste honetan Euskal Aldundiak espero baino gehiago bildu dituztela irakurri dot. 2303 milloi euro  Arabako Aldundiak, aurreikusita baino %5 gehiago

Orduan, dirua ba dago. Beste gauza bat da diru horretatik zenbat ordaindu degun langileok eta  zenbat enpresak

Beste aldetik, Eusko Jaurlaritzak Kutxabanki CAFeko ez dakit zenbat akzio erosi dizkio. Ala! 15 milloi hara, kutxabakek likidezia lortzeko. Hau bai mezedea

Gero Kutxabankek berak ez dauko dirurik gure enpresa txikiei laguntzeko, maileguak egiteko, inbertizeko, gure herrian inbertitzeko. Gure enpresa txikiak itotzen ari dira. Ta zer esan autonomoei buruz? Horrek itota daude jadanik, ostopoak bakarrik daukate, laguntzak izatea ez dakite zen den bez

Baina, AHT, gure trena famatuari, behar den dirua ematen diote.

Zor ilegitimo eta  inmoralak ordaintzeko, dagoena klaro!

Ba hori,  dirua badagola, ez? Según zertarako, gutxienez. Baina nora demontre doa diru hori? Non ikusten dugu guk diru hori?

Osakidetzan edo Irakaskuntzan zihur ezetz. Han daude bai Osakidetzako eta bai irakasleen aldarrikapenak,manifestazioak, grebak eta abar

Aldundiko edo Eusko Jaurlaritzako langileen poltzikoan zihur bez, ya ez dakite bez zenbat eroshalmen galdu dituzte urte honetan

Diru Sarrerak Bermatzeko Errentan are gutxiago. Azkenian prestazio honek jasotzen duten jendea kanpotarrak dira ez? Alfer hutsak, lan egitea nahi ez dutenak… eta Marotok eta bere lagunak esaten dituzten astakeriak ez? Zergatik mantenduko dugu euskaldunok  erabiltzen ez dugun prestazioa? Zertarako igo prestazioak? Alferragoak izateko? Kanpotarrantzeko dirua da bakarrik

Ja! Industriak dauden moduan, pentsioak dauden moduan, enplegu publiko eta pribatua dagoen moduan, lan erreformak ekarri ditugun egoeraz, eta etorriko duenarekin, benetan uste dugu kanpotarrentzako bakarrik dela? Ez ba dugu gurea mantentzen, ez ba dugu hainbeste borroka eta esfortzu behar izan duen egoera defendatzen eta finkatzen, etorkizuna oso tristea izango da, gure seme-alabak egoera larria eukiko dute.

Ze euskal herria izango dugu hemendik hogei urtera?

Ezagutzen duzu Bertolt Brecht olerkariaren hitzak ez?  “naziak komunisten bila etorri zirenean, isilik geratu nintzen..” Ba nik beste bueltatxo bat emango diot: “eskubideak murrizten nituenean, isilik geratu nintzan, Nik eskubideak (DSBE adibidez,)  behar nuenean, ez zen inor geratzen kalera irtetzeko”

 

Bego Zuza

Entzun
“Konstituzionalak bere ardurari uko egin dio eta agerian utzi du M3ko hilketak epaitzeko borondate falta”

“Konstituzionalak bere ardurari uko egin dio eta agerian utzi du M3ko hilketak epaitzeko borondate falta”

Joan den urtarrilaren 15ean eman genuen berria webgune honetan bertan: Espainiako Auzitegi Konstituzionalak ez du tramitera onartu Arabako Batzar Nagusiek 1976ko martxoaren 3ko hilketengatik aurkeztutako babes-helegitea.

Nerea Martinez Ocio Martxoak 3 elkarteko kideak baloratu du Auzitegiaren erabaki hori ARABA HIZPIDEn. Auzitegi Konstituzionalak bere ardurari uko egin diola adierazi du Martinez Ociok eta, bere iritziz, bost langileen hilketak epaitzeko borondaterik eza geratu da agerian, beste behin ere. Horrekin batera, biktimen arteko ezberdintasunak salatu ditu, Terrorismoaren Biktimen Memorialaren kanpoaldean faxismoaren biktimen omenezko eskultura bat ipintzeko Gorka Urtaran alkatearen erabakia baloratu duenean.

Entzun
“Gasteiz Antzokiaren proiektuarekin bat egiten dute alderdi guztiek, beraz, epeak eta finantzabidea finkatzea eskatzen dugu”

“Gasteiz Antzokiaren proiektuarekin bat egiten dute alderdi guztiek, beraz, epeak eta finantzabidea finkatzea eskatzen dugu”

Gasteiz Antzokiaren proiektuak 9 urte beteko dituenean, epeak, egitura juridikoa eta finantzazioa lehenbailehen adostea proposatu dute Lazarraga Kultur Elkarteko kideek, argitaratutako iritzi-artikulu batean. Ibilbide luzea eginda eta lekua adostuta, hurrengo pausoak jakinaraztea baino ez da falta udal-ordezkarien aldetik. Horixe espero du Iñaki Lazkano Lazarraga Kultur Elkarteko kideak. Euskaltzañeon topagune eta kultur eragile izango den proiektua abiatzea Gorka Urtaranen lehentasun kontua dela nabarmendu du.

Entzun
“Bakea interaktiboa da: baten urratsak bestearenak erraztu behar ditu”

“Bakea interaktiboa da: baten urratsak bestearenak erraztu behar ditu”

Nafarroa Behereko Gamarte herrian sortua, azken hilabeteetan Euskal Herriko bake-prozesuak izandako bultzadarik handienaren aktoreetako bat da Mixel Berhokoirigoin. Euskal Herriko Laborantza Ganbarako presidente izandakoa, Euskal Laborarien Batasuneko kidea eta laboraria, guztiaren gainetik. Baina Bakegile gisa ere ezagutu dugu, eta paper garrantzitsua jokatu du ETAren armagabetzean eta Frantziako kartzeletan diren euskal presoak Euskal Herrira hurbiltzean. Espainiako kontuetan ez direla sartzen esan digu, baina Frantziako gobernuarekiko izandako bileretan Espainiak guztiaren berri zuela adierazi diete gobernuko solaskideek. Gertaera horiek izan ditugu hizpide, denborak behartutako elkarrizketa laburrean.

Entzun
“Unibertso paraleloak” -Koldo Alzola-

“Unibertso paraleloak” -Koldo Alzola-

 

 

Lehengo batean euskaltegiko ikasleekin solasean batek galdetu zidan ea Alfred Hitchcock-en zalea ote nintzen. Hasieran harritu egin nintzen bere kezkaz, baina berehala jabetu nintzen kamisetako paparrean serigrafiatuta neraman Mikel Laboaren erretratuaz itauntzen ari zitzaidala. Galdetzaileak ez zuen, nonbait, arrastorik Donostiako bardoa nor zen; elementu erabat arrotza baitzen bere erdal ekosisteman. Ordura arte uste nuen tarte handi batek banatzen zituela bere mundua eta nirea, baina ditxosozko hanka sartzetik aurrera ohartu nintzen mundu ez, unibertso ezberdinetan bizi ginela, espazioa eta denbora partekatzen duten bi unibertso ezberdinetan. Baliteke, baina, bi unibertso horiek banatzen dituen muga, nolabait, iragazkorra izatea; baina, hala bada, norabide bakarrean baino ez da; izan ere; euskararen mikrokosmoseko biztanleok, elebidunak garenez, erdal makroespazioan gertatzen denaren berri ere badaukagu. Aldrebesko interesa, ordea, nekezago gertatzen da.

Hala ere, gutxitan, baina batzuetan, gerta daiteke unibertso paralelo horietako konstalazioetan biraka dabiltzan argizagien arteko elkarreragina. Iragan igandean ikusi ahal izan genuen. Anoetako futbol zelai gainean, une batez, bi astrok bat egin zuten. Batetik, erdal makrokosmoseko izen argitsuena, Leo Messi; bestetik, euskal unibertso txikiko izar disdiratsuenetako bat, Maialen Lujanbio. Lehena, galtza motzetan baloi baten atzetik korrika ibiltzeagatik planeta osoan ezaguna; bigarrena, hitzak maisutasunez josteagatik euskaldunon artean mirestua. Hernaniarra Erreala eta Bartzelonaren arteko norgehiagokan ohorezko sakea egitera gonbidatu zuten. Orduantxe eman zion bostekoa jokalari argentinarrak, adeitasun hutsagatik, bertsolari txapelduna nor zen ere jakin gabe, ia segurtasun osoz. Anekdotaren lekuko izan diren euskaldunen artean ez da izango aurrelari blaugrana nor den ez dakienik; aitzitik, ikusle erdaldun askok harriduraz galdetuko zioten euren buruari nor ote zen Messiren ondoan kantari ari zen neska hori. Erruki diet erreferente bakartzat esfinterren kontrola galdu gabe bi hitz nekez lotu zitzakeen futbolaria daukatenei, eurena baino askoz unibertso aberasgarriagoa ari dira galtzen oharkabean.

Koldo Alzola

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies