Bueltan da Hala Bedi Rock jaialdia

Bueltan da Hala Bedi Rock jaialdia

Maiatzaren 20an rocka izango da protagonista Gasteizko gaztetxean. Rocka bere zentzurik zabalenean ulertuta. Izan ere, enegarren urtez, Hala Bedi Rock jaialdia ospatuko da aurten ere. Bertan, 6 taldek, larunbateko arratsalde-gau partea berotuko dute hiriko alde zaharrean dagoen muinoko etxe sorginduan.

Sortu zenez geroztik, musikari lotua egon da Hala Bedi irratia eta elkarrekin egin dugu ia 35 urteko ibilbidea, Hala Bedi eta musika, musika eta Hala Bedi, eskutik helduta. Argi dago beraz Hala Bedi Rock jaialdia berezia dela Hala Bedi irratiko lagunontzat. Gauzak horrela, 2008. urtean Gasteizko gaztetxearekin batera ospatu genuen Txorionak urte gogoangarri haren baitan ospatu zen lehen Hala Bedi Rock jaialdia, non, besteak beste, Obligaciones, Bronze, the Dealers eta Erizo taldeek parte hartu zuten. Ordutik, musika estiloz izugarri anitzak diren beste zenbait talde pasatu dira gaztetxeko oholtzatik, guztiak, 45 minutu inguruko emanaldia eskainiz, tartean, Fracture, Arenna, Freetangas, VicePresidentes, Viva Bazooka, Pajaro1 Pajaro2, La Doggy Party, Piztu Punk, Bidelapurrak, Los Señora eta Roto.

Hala Bedi Rock jaialdia beraz, Gasteiz eta Arabako musika talde eta bakarlarien erakusleiho aparta da, talde beterano zein berriak ezagutzeko aukera bikaina. Gainera, kasu batzuetan, parte hartzen duten taldeen lehen kontzertua ere izan ohi da. Horrela, Hala Bedi Rocken beraien lehen kontzertua eskaini zuten Tara, Libe eta Izaki Gardenak taldeek.

Beraz, musikazale, aurten ere ezin diozu hutsik egin urteroko zitari! Talde berriak ezagutuz, rock, punk, hardcore, rock and roll eta bestelako doinuak entzuteko parada izango dugu maiatzaren 20an, larunbata, arratsaldeko 18:00tatik aurrera Gasteizko gaztetxean. Bertan,  honako 6 talde arituko dira: Begitruk, D-Tox, Red Iron Squad, Karma Xutra, Exkizofrenikoz eta Ziklone, azken hauek, beraien lehen kontzertua eskainiz.

 

Iñigo Ibarrondo (Sharon Stoner): “Denborak esango du, baina asmoa da abesti berriak egitea”

Iñigo Ibarrondo (Sharon Stoner): “Denborak esango du, baina asmoa da abesti berriak egitea”

Denbora luze batez geldirik egon ostean, bost kontzertu eskaintzeko itzuli da Sharon Stoner hirukote oñatiarra. Tarte honetan, taldekideak Zingira eta Lenao proiektuetan murgildu dira, baina udaberria bitartean, Euskal Herriko txoko ezberdinetan ibiliko dira. Momentuz, Donostia, Ordizi, Oñati, Gasteiz eta Lazkao.

Entzun
Sergio eta Rulo (Hiena) “Aurrez elkar ezagutu arren, lehen aldia da hasieratik erreferentzia eta presio gabe jotzen hasi garela”

Sergio eta Rulo (Hiena) “Aurrez elkar ezagutu arren, lehen aldia da hasieratik erreferentzia eta presio gabe jotzen hasi garela”

Gasteizko Hiena laukoteak “Otsoak ere ez du bere haragirik jaten” estreinako diskoa kaleratu berri du, eta lau eguneko biran murgildu da Gentemayor talde andaluziarrarekin batera. Gu, Sergio eta Rulorekin izan ginen bira horren aurretik.

azala

Entzun
Joxi Ubeda (Belarmiñak) “Probatzeko nahia genuen, kalkulorik gabe atera dira horrelako kantuak”

Joxi Ubeda (Belarmiñak) “Probatzeko nahia genuen, kalkulorik gabe atera dira horrelako kantuak”

Belarmiñak taldeak urteko disko fresko eta alaienetako bat kaleratu du, Haztearen Izerdia, lau abesti eder biltzen dituen EPa (Bonberena Ekintzak). Lobo Electrico, Tortura Sistematika, Bukaera, Iratzar edota Perlak taldeetan aritutako kideek 2016ko udaberrian grabatu zituzten kantuok Karlos Osinaga Txapen gidaritzapean eta orain berau aurkezten dabiltza.

 

 

belarminak_azala_web

Entzun
Nahia Zubeldia (LUMI): “Ez da aspaldi gure mundu komuna atzeman dugunetik”

Nahia Zubeldia (LUMI): “Ez da aspaldi gure mundu komuna atzeman dugunetik”

Lapurdiko Lumi taldea folk eta elektronika mundutik datozen Nahia Zubeldia zein Manu Matthysek osatzen dute. Bi munduren nahasketatik emaitza bakar bezain ederra erdietsi dute: pop elektroniko atmosferikoa biltzen duten lau abestitako EPa (Moï Moï Records). Azaroaren 24an Gasteizko Oihaneder Euskararen Etxean izango dira zuzenean beraien EPa aurkezten.

lumi-azala

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies