Zigoitiako  Euskal  Jaia,  belaunaldiz  belaunaldi  euskal  kultura  bultzatzen

Zigoitiako Euskal Jaia, belaunaldiz belaunaldi euskal kultura bultzatzen

1963. urtean jaio zen Mairuelegorretako jaiaren beste edizio bat ospatuko dute igandean Gorbeia magaleko kobetan. Lantalde finko batek ardura nagusiak hartzen dituen arren, herri osoaren konpromisoa nabarmendu dute antolatzaileek.

Euskara eta euskal kultura sustatzeko helburuarekin, 1963. urtean  Manuel Iradier Txangolari Elkarteak, espeleologo ugarirekin batera,  lehen Euskal Jaia antolatu eta ospatu zuen Mairuelegorretako kobetan. Urtez urte, jaia indartzen joan zen baina honen fama ez da soilik antolatzaileen ardura. Hain ezaguna izatearen ardura, neurri handi batean, garai hartako errepresioak dauka. Euskal Jaiak errepresio gogorra jasan behar izan zuen Estatu Frankistaren partetik. Hala ere, urtez urte, oztopoz oztopo eta belaunaldiz belaunaldi bizirik mantentzea lortu dute.

Gaur egun, oraindik ere, bizirik dago. Oso bizirik: antolatzaileek bereak eta bi egin behar dituzte Gorbeia magalera hurbiltzen diren herritarrak kobazuloetan sartzeko. Askotan, ordea, ez dago lekurik eta hauetako asko kanpoan geratu behar dira. Hori dela eta, igandeko ediziora ere denboraz joatea komeni da.

Azken urteotan bi asteburuz luzatzen den jaia bihurtu da Zigoitia Euskaraz. Lehenengo asteburuko larunbatean tradizio bihurtu den bizikleta martxa burutzen dute eta igandean meza euskaraz egiten dute herrian. Koba baten barruan hasi zena, herrira, eskualdera eta herrialdera zabaldu da.

“Lantalde nagusiak gidaturiko zeozer da Zigoitia Euskaraz, baina herri osoak erantzuten du”. Hala ere, gazteen presentzia indartzea beharrezkoa ikusten dute antolakuntzatik.
Antolakuntza bolondresa eta parte hartzailea

Antolakuntzaren lekukoa urtez urte aldatzen joan den ardura bat da. 1990. urtea izan zen mugarri nagusietako bat: Zigoitia Euskarazeko lantaldeak hartu zuen Euskal Jaia eta bestelako jarduera eta ekitaldiak kudeatzeko ardura. Lantalde horretatik Zigoitiako herritar ugari pasa dira, adin guztietakoak: belaunaldi ezberdinek mantendu dute bizirik taldea. Urteak pasa ahala, Euskal Jaiaren inguruan bestelako jarduera batzuk agertzen joan dira: Korrika bizikletaz, meza euskaraz, dantza erakustaldiak, herri kirolak… Guztiak euskara eta euskal kulturari bultzada emateko helburuarekin.

Antolakuntza guztiz irekia, bolondresek osaturikoa. Zigoitiako herritarrez osaturiko lantaldea da, baina Zigoitiako Udalak ere lagundu egiten du. Baina lana ez da lantalde finko batera mugatzen. Izan ere, antolakuntzatik azaldu dutenez, “herriaren erantzuna nahiko potentea izaten da jarduera guztietan. Lantalde nagusiak gidaturiko zeozer da Zigoitia Euskaraz, baina herri osoak erantzuten du”. Hala ere, gazteen presentzia indartzea beharrezkoa ikusten dute. 

Irailaren 10eko Euskal Jaia

Ez dago aldaketa handirik egitarauaren formatuari dagokionez. Izen nagusietan, aldiz, aldaketak egongo dira; protagonistak, berriz, herritarrak. Txalaparta, bertso-hopa Viñaspre eta Pastorrekin, Gibelurdinak, Jare Dantza Taldea eta Zigoitiako nesken dantzak. Bukatzeko, sorpresa bat ere iragarri dute, hurbiltzen direnek gozatu ko duten emanaldia. Kobatik jeisterakoan, herrian jarraituko du festak: bazkari herrikoia eta Laiotzen eskutik dantzaldia. Ikasturteari ongi etorria emateko plana antolatzen dute, familia giroan edo lagun giroan gozatzeko. Hori bai, ez ahaztu: koba guztietan bezala, honek ere frontalen edo linternen beharra dauka -etxetik eramatea komeni-.

Egitarau orokorragoan zentratuz, Zigoitia Euskarazeko nobedadetako bat larunbateko zesta-punta erakustaldia izango da; ostean, jolasteko eta ikasteko aukera ere egongo da. 

Memoriarekin  hitzordua,  La  Tejerako  bihurgunean,  Añanan

Memoriarekin hitzordua, La Tejerako bihurgunean, Añanan

Frankistek hil zuten Primitivo Fernandez de Labastida, Monica Barron del Val eta Florentino Garcia omenduko dituzte irailaren 9an, 13:00etan. Primitivo Fernandez de Labastidaren familiaren eginahalari esker, lurpetik atera zituzten gorpuzkiak 2010eko ekainean.

Alea.eus bidez

Primitivo Fernandez de Labastida, Monica Barron del Val eta Florentino Garcia Valenciaren gorpuzkiak 2010. urtean atera zituzten La Tejerako mendateko bide bazterreko zulotik. Ordutik, urtero, fusilatutako nekazarien senitartekoak eta lagunak bertan biltzen dira. Datorren irailaren 9an, Ahaztuak elkarteak deituta omenaldia egingo diete, 13:00etan.

Gesaltza-Añana eta Paul herriak lotzen dituen errepideko bihurguneari  “El hoyo de los muertos” esaten zioten añanarrek; ageriko sekretua zen bertan hiru pertsona hil eta hilobiratu zituela Tuestako eta Bovedako erreketeen talde batek, 1936ko irailaren 3an. Toki horretan, errepide bazterrean, egun, monolito bat dago, beti lorez apainduta; frankismoaren hiru biktima hauek gogoratzen ditu harriak eta hilketa lazgarriaren historia jasotzen du.

Primitivo Fernandez de Labastidaren familiaren  eginahalari esker, lurpetik atera zituzten gorpuzkiak 2010eko ekainean. Urteak joan urteak etorri, Fernandez de Labastidaren emazteak, bi alabek, eta ilobak irailaren 3ko gau hartan gertatutakoari buruzko testigantzak jaso zituzten. Eskualdeko herritarrek, gauzak kontatzeaz gain, babesa eta maitasuna ere agertu zietela nabarmendu dute behin baino gehiagotan senideek.

Familiaren eginahala 

Bada, informazio guztia eskuetan zutela, Ahaztuak 1936-1977 elkartearekin harremanetan jarri ziren, indusketa egiteko laguntza eske. Maiatzaren 29an hasita, hiru asteburutan egin zituzten lanak. Ekainaren 12an, etsitzear zeudela, garezur zati bat aurkitu zuten, eta astebete beranduago Aranzadiko teknikariek hiru gorpuzkiak atera zituzten bertatik. Fernandez de Labastidarekin batera aurkitu zituzten Monica Barron del Val eta Florentino Garcia senar-emazteak. 

Hirurak ziren nekazariak, eta hirurak Arabako Añana Kuadrillatik kilometro gutxira dauden Burgosko herri txikietako bizilagunak: Fernandez de Labastida Santa Gadea del Ciden bizi zen eta 35 urte zituen, Barron del Val eta Garcia Villanueva de Soportillakoak ziren; emakumeak 45 urte zituen eta gizonak 47. Gauez atera zituzten hirurak etxetik, La Tejerako mendatera eraman zituzten, eta bertan fusilatu.

6  eta  7  urteko  epetxe  zigorrak  ezarri  dizkiete  Uriarte  eta  Aduna  gasteiztarrei

6 eta 7 urteko epetxe zigorrak ezarri dizkiete Uriarte eta Aduna gasteiztarrei

6 urteko espetxe zigorra ezarri diote Igor Uriarteri; 7 Raul Adunari. Asteazkenean elkarretaratzea egin zuten Gasteizen, haien askatasuna eskatzeko. Ostiralean, aldiz, manifestazioa deitu du Kalera Kalerak.

Igor Uriarte eta Raul Aduna gasteiztarrak epaitu dituzte Parisen, Frantziako epaitegietan. Uriarte eta Aduna 2013ko uztailaren atxilotu zituzten Frantziako indar polizialek, beste lau kiderekin batera. Epaiketan, beraz, sei lagun epaitzen ari dira guztira, prozedura korrekzionala baliatuz: gehienez 10 urteko zigorra ezarri ahal zieten. baina 7 urteko eskaera egin dute haietako laurentzako eta zortzi haietako birentzako. Uriartererentzako 7 urte eta Adunarentzako 8 eskatu dituzte. Azkenean, 6 urte ezarri dizkiote Uriarteri eta 7 Adunari.

Asteazkenean lagun ugari batu ziren Andra Maria Zuriaren enparantzan, Kalera Kalerak deituta, Uriarte eta Adunari elkartasuna adierazteko.

Kalera Kalerak manifestazioa deitu du ostiralean Gasteizen.

Països  Catalans:  Ley  de  referendum  aprobada  en  Catalunya  y  movilizaciones  de  apoyo  en  Gasteiz

Països Catalans: Ley de referendum aprobada en Catalunya y movilizaciones de apoyo en Gasteiz

La ANC que trabaja en Euskal Herria ha convocado concentraciones en las cuatro capitales de Hego Euskal Herria este sábado a las 12:00. Pretenden de esta manera apoyar la convocatoria del referendum dos días antes de la Diada.

Bajo el lema “Kataluniarekin Diadan eta erreferendumean”, ANC (Assemblea Nacional Catalana) Euskal Herria saldrá a las calles de las capitales de Euskal Herria el próximo sábado 9 de septiembre. La convocatoria de Araba será a las 12:00 en la Plaza de la Virgen Blanca. Por otra parte, desde la dinámica “asCATasunera” que se presentó el 8 de abril, se ha convocado una concentración el 11 de septiembre, día de la Diada, en la misma plaza a las 12:30.

No son las primeras movilizaciones que se hacen los últimos meses en Gasteiz en apoyo al momento histórico que está viviendo el pueblo catalán. Gure Esku Dago también se concentró bajo el lema “Demokrazia” en la capital alavesa el pasado junio para apoyar la convocatoria de referendum y a las encausadas por convocar el referendum del 9N. 

Convocatoria del sábado 9 de septiembre

Convocatoria del 11 de septiembre

Errekaleor,  lau  urteren  ostean,  bizirik.  Eta  orain  zer?

Errekaleor, lau urteren ostean, bizirik. Eta orain zer?

Lau urte bete dira hamar ikaslek Errekaleorreko eraikin hutsak okupatzeari ekin ziotenetik: auzoa errotzeaz gain, gora egin dute bertako ekimenek, Udalaren mehatxuek gora egin duten bezala. Proiektu berriak sortu nahi dituen proiektu handi batek beste mehatxu handia izango du aurrean: eraistea.


2013ko irailaren 3a. Hamar ikaslek Gasteizen ia hutsik zegoen Errekealeor auzoko blokeak okupatu zituzten eguna. Gasteizen herritarrek eta bertara ikastera datozen ikasleek duten etxebizitza arazoari irtenbide bat eman nahi ziotela zirudien. Askoz gehiago zen. Autogestioan oinarritutako proiektu bat jaio zen, lau urteren ostean errotu den proiektua: “Errekaleor Bizirik” martxan zen, Europa mailan apenas ispilurik gabeko egitasmoa.

Ikasle gehiago, gazteak eta hain gazteak ez direnak… Gero eta jende gehiago hasi zen auzoan bizitzen, auzoa eraldatzen eta ideien faktoria bilakatzen. Are gehiago, badaude jada auzoan jaio diren umeak. Familia txikiak sortu dira familia handi baten erdigunean.

Pertsonak bai, baina auzoa ere bai. Gasteizko frontoi handienetako bat Herri Mugimenduaren topaleku bihurtu da behin baino gehiagotan, apurka – apurka hau konpontzeari ekin dioten heinean. 1976ko Martxoaren 3an erahil zuten Romualdo Barroso auzokidearen omenez zinemak bere izena hartu du, FilmErreka edo bestelako emanaldiak eskainiz auzoan. Elizak izaten dira auzo eta herrietako bereizgarrietako bat. Errekaleorrek ere badauka… edo bazeukan? Auzoan beste erabilera bat eman diote eraikinari, Gaztetxe bilakatuta. Bertatik pasa dira Harresian Zulo, Willis Drummond, Anari edo Izaki Gardenak taldeak, bestea beste. Kulturaren eta kultura alternatiboaren topaleku ere da orain.

Willis Drummond Errekaleorren, 2017ko maiatzean

Mehatxu gero eta serioagoak

Ikasle eremutik haratago hazi zen Errekaleor. Hazi ez ezik, gasteiztar gehienek ahaztuta zuten auzo bat hiriburuko egunerokotasunean integratzen joan zen. Baina haientzako ezezaguna zena 2015eko martxoan hasi zen ezagunagoa egiten: Udaltzaingoak argia moztu zien auzokideei, herritar batzuk zaurituz bertan burututako kargengatik. 

Hasi ziren orduan modu ezberdinetako mehatxuak. Javier Maroto popularra alkatetzan zegoen oraindik, baina hilabete gutxi falta ziren hau kanporatzeko eta Gorka Urtaran jeltzaleak Gasteizko makila hartzeko. Urtaranek kudeatu beharko zuen gaia eta ez zuen denbora askorik behar izan posizionatzeko: “Errekaleorren ezin da bizi”, esan zuen Hala Bediko Araba Hizpide magazinean. Ez zeraman urtebete agintean hain argi hitz egin zuenean, nahiz eta hurrengo hilabeteetan diskurtsoa mantsotu.

Auzoan gero eta jende gehiago bizi zen, gero eta ekimen gehiago antolatzen zituzten… 2017ko maiatzaren 18ra arte. Hor hasi zen Udalaren partetik Errekaleor Bizirik proiektuaren aurkako eraso plan handiena. Argia kendu, kargak, auzoko argi publikoa moztu.., eta egun bat beranduago auzoko eraikinak eraitsiko zituela konfirmatu. Bostgarren martxa egun batetik bestera jarri zuen martxan Urtaranek. Eraitsi edo eraispen hitzak erabiltzen zituen lehenengo aldia zen hau.

Erantzuna ez zen auzo batera mugatu. Herri Mugimenduak erantzun zuen ekainaren 3an, “Herria Bizirik” lelopean 10.000 lagun inguru batuz. Hein handi batean, Herri Mugimenduak berak hartu zuen Errekaleor defenditzeko borroka. Hala ere, gutxi aldatu zen Udalaren diskurtsoa; hau lasaitu ordez, eraso berbalak gero eta ugariagoak bihurtu ziren ikasturte amaieran, besteak beste, Ezker Abertzaleak kontrolatzen duen proiektu bat dela argudiatzeraino. Hala ere, segurtasun arrazoiak edo arrazoi teknikoak aitzaki bat baino ez zirela agerian geratu zen uztailaren 10ean jakin genuenean Udalak ez zeukala auzoa eraistea justifikatzen zuen txostenik. Are gehiago, Arabako Arkitektoen Eskolako informe batek eraikinen egoera aproposa zela erakutsi zuen. Orain arte erabilitako arrazoiek ez zuten baliagarritasunik. Borondate politikoa zen arrazoi bakarra, PSEk eta PPk elkarbanatzen duten arrazoi politikoa.

Proiektu berriak sortu nahi dituen proiektu handi batek beste proiektu baten mehatxua izango du aurrean: eraisterena. Herri Mugimenduaren bidea eta instituzioena ere, aurrez aurre egongo dira, berriz ere.
Energia berriztagarrien apostua

2017ko ikasturte amaieran, energia berriztagarrietara saltoa emateko konpromisoa hartu zuten. Aurretik zuten erronka ez zen makala. Aste gutxietan 100.000 € lortu nahi zituzten. Erronka bete zuten, aise gainera, ezarritako diru kopurua gainditu baitzuten. Euskal Herriko irla energetiko handiena izango dira hemendik hilabete gutxira.

Izan ere, 2017-2018 ikasturte hasierarekin batera eguzki plakak instalatzeari ekin diote auzoan. Urrian, aldiz, inaugurazio ofiziala egingo dute. Gainera, hilabete horretan zehar Coopfundingean parte hartu zuten norbanako eta eragileei sariak emango dizkiete: muraleko izena, tailerrak, material ezberdina, bertso saioa… 

Baina energia berriztagarria ez da eguzki plakekin amaitu. Bi astez luzatu zen auzolan baten bitartez, profil ezberdinetako 12 pertsonek Piggot aerosorgailua eraikitzea lortu dute. “0 kilometroko” aerosorgailua gainera: energia elektrikoa lortzeko aerosorgailuaren parte ezberdinak ere auzoko tailerrean ekoitzi dituzte. 

Auzoa biziberritzeko bidean, eta jendeak Errekaleor gozatu ahal izan dezan, Errekaleor Bizirik proiektuaren 4. urteurrena ospatuko dute iraileko azken astean, 28tik 30era. Kontzertuak, antzerkiak, hitzaldiak… eta beste hainbat ekimenetan izango dira, eta, batez ere, erasoen aurrean tinko jarraitzen dutela erakusteko asmoa dute orain.

Oztopoak oztopo, saltoz salto, datozen hilabeteak klabeak izango dira auzoarentzako. Proiektu berriak sortu nahi dituen proiektu handi batek beste proiektu baten mehatxua izango du aurrean: eraistearena. Hein handi batean, Herri Mugimenduaren bidea eta instituzioena aurrez aurre egongo dira, berriz ere.

 

 

7  eta  8  urteko  espetxe  zigorrak  eskatu  ditu  fiskaltzak  Igor  Uriarte  eta  Raul  Adunarentzako

7 eta 8 urteko espetxe zigorrak eskatu ditu fiskaltzak Igor Uriarte eta Raul Adunarentzako


Ostegunean, irailaren 7an jakingo da haien eta beste lau kideren aurkako sententzia. Elkarretaratzea egingo dute gaur arratsaldean Gasteizen.

Argazkia: Kike Fernández de Pinedo

Igor Uriarte eta Raul Aduna gasteiztarrak epaitzen hasi dira Parisen, Frantziako epaitegietan. Uriarte eta Aduna 2013ko uztailaren atxilotu zituzten Frantziako indar polizialek, beste lau kiderekin batera. Epaiketan, beraz, sei lagun epaitzen ari dira guztira, prozedura korrekzionala baliatuz: gehienez 10 urteko zigorra ezarri ahal zieten. baina 7 urteko eskaera egin dute haietako laurentzako eta zortzi haietako birentzako. Uriartererentzako 7 urte eta Adunarentzako 8 eskatu dituzte.

 Irailaren 7an, ostiralean amaituko da epaiketa, fiskaltzaren eskaerekin; sententzia, aldiz, iraila amaierarako espero dute. 

Asteazkenean lagun ugari batu dira Andra Maria Zuriaren enparantzan, Kalera Kalerak deituta, Uriarte eta Adunari elkartasuna adierazteko.

 

 

Eskean  Kristok  egin  du  Aske  Rock  jaialdiaren  bideoklipa

Eskean Kristok egin du Aske Rock jaialdiaren bideoklipa

Dispertsioaren testigantzak jaso dituzte Gorbeia Euskadin grabatu duten bideoarekin batera. Urriaren 21eko jaialdirako sarrerak salgai jarri dituzte antolatzaileek: askerock.eus webgunean dago informazio guztia.

Eskean Kristö taldeak, urriaren 21eko jaialdian parte hartzeaz gain, Gsteizen egingo den jaialdiaren bideoklipa eta abestia egiteko konpromisoa hartu du. Bideoklipan ikus daitekeenez, Gorbeia Euskadin grabatu dute bideoaren zati handi bat, dispertsioa pairatzen dutenen testigantzak ere bilduz.

Uztailean egindako aurkezpenean azaldu zutenez, “pertsona errepresaliatu ezberdinek pairatzen duten giza eskubideen urraketarekin arduratuta dauden norbanako ezberdinek” sortu dute jaialdi hau. 

Helburu ezberdinak izango ditu jaialdiak. Haietako bat, euskal preso eta iheslariek pairatzen duten egoera sozializatzea izango da; bestea, aldiz, dispertsioak eragiten dituen gastuei aurre egiteko dirua biltzea izango da.

Egun, 29 pertsona daude preso Araban. Batez beste, etxetik 660 kilometrotara daude; hau da, senide eta lagunek 1.300 kilometro baino gehiago egin behar dituzte bisita bakoitzeko. Beste modu batean esanda, 20.000 € suposatzen die dispertsioak senide eta lagunei urtero.

“Ez gara libre izango haiek ASKE izan arte” leloa izango duen jaialdian zortzi talde egongo dira: Willis Drummond, Eskean Kristo -bideokliparen abestia egingo dute-, Esne Beltza, Bad Sound, Riot Propaganda, Mafalda, Txarango eta Zoo. Sarrerak Euskal Herriko txoko ezberdinetan salgai daude jada. askerock.eus-en ere erosi daitezke.

Hala  Bedin  parte  hartu  nahi  duzu?  Idatziguzu!

Hala Bedin parte hartu nahi duzu? Idatziguzu!

Magazinak, sare sozialak, albisteak, teknika, irratsaio berriak… Edonork har dezake parte Hala Bediren ikasturte berrian. Ez da jakintzarik behar proiektuaren parte izateko: norberak ahal duena eginez, elkarrengandik ikasiz eta elkarri irakatsiz.


2017-2018 ikasturtea hastearekin batera, Hala Bedik ere erronka berriak jarri nahi ditu martxan. Irrati libre bat baino askoz gehiago bihurtu den proiektua handitzearekin batera, komisio berriak jarriko dira aurten martxan, tartean, sare sozialen eta albisten erredakzioa. Modu honetan, arlo digitalean aurrerapausoak emango ditu aurten irratiak.

Baina proiektu komunikatibo herritar hau indartzen jarraitzeko militantziaren beharra du Hala Bedik. Militantzia malgua, bakoitzak ahal duena emateko borondate eta gogoekin; konpromiso maila ezberdinekin, eta konpromisoa ez soilik Hala Bedirekin, baizik eta Arabako herri mugimenduarekin dugula kontutan hartuz. Lehen urrats gisa, herri mugimenduak eta pertsonak komunikazioaren arloan ahalduntzeko helburuarekin, Izan Media tailerrak antolatuko dira irailaren 23an, Oihaneder Euskararen Etxean. Honekin batera, proiektuan parte hartzeko ateak parez-pare ireki nahi ditu Hala Bedik.

Askoz luzatu gabe, hauek dira militantzia premia behar duten irratsaio, komisio edo talde ezberdinak. Harremanetan jartzeko, zalantzak argitzeko, talde baten kide izateko edo zeozer berria proposatzeko: harremanak.halabedi@gmail.com.

  • Magazinak -irratsaio nagusiak-

Kolaborazio puntualak, lokuzioa, teknika, grabazioak, nahi duzun gaiari buruz astero/hilabetero/ahal duzun uneoro elkarrizketa grabatzeko eta programan emititzeko aukera… Hiru magazin nagusi ditugu: Araba Hizpide (Hala Bedi Bi, astelehenetik ostiralera, 09:00etatik 11:00etara), Kantoia (Hala Bedi Bat, astelehenetik ostiralera, 18:00etatik 19:00etara) eta Suelta La Olla (Hala Bedi Bat, astelehenetik ostiralera, 10:00etatik 14:00etara gaztelaniaz).

  • Albisteak eta sare sozialak

Esan bezala, aurtengo nobedadeetako bat sare sozialetan eta eguneroko informazioan jarriko ditugun indarrak izango dira. Hori dela eta erredakzioaren komisioa sortuko da ikasturte hasieran, sare sozialak, webgunea, kolaborazio/erreportaje idatziak eta eguneroko gaiak kudeatzeko. Hala Bedi agenda propioa markatzeko gai dela uste dugu.

  • Teknika

Edozein proiektu komunikatibok teknikaren lana behar du. Mahaiak konfiguratu, ordenagiluetan aldaketak txertatu eta zerbitzu informatiko ezberdinen manteinua funtsezko ezaugarriak dira hedabide batek ondo funtzionatzeko. Gai hauetan aditua den edonork dauka aukera bertan parte hartzeko edo hauek nola kudeatu ikasteko.

  • Bideoak

Ikasturte batzuk geldituta egon ostean, 2015eko irailean berriz jarri zen martxan Hala Bideo taldea. Azkenengo bi ikasturtetan 100 bideo inguru egin ditu talde honek: elkarrizketak, erreportajeak, mobilizazio ezberdinen jarraipenak… Bideoak editatu, montatu… egin dira ordutik; hala ere, ez da beharrezkoa bideo edizioan edo grabazioan trebezia izatea. Edozein gidoi, ideia, proposamen, ongi etorria da taldean. Gainera, bideo ediziorako formakuntza itzela izan daiteke talde hau, dakitenek irakatsiz ez dakitenek ikasteko.

  • Egin zure irratsaioa!

Baina esan bezala, Hala Bedi aurreko lau puntuak baino askoz gehiago da. 30 irratsaio inguru ditugu eta ziur gaude baten bat zure gustokoa izango dela. Eta ez badago zure gustokoa den irratsaio edo komisiorik… Zer egin nahi duzu? Jarri harremanetan gurekin eta proposatu zure irratsaioa, eskeini zure burua beste irratsaio batean parte hartzeko… Edozein zalantza gustora argituko dizugu: harremanak.halabedi@gmail.com.

Gasteiztar  baten  etxegabetzea  ekiditea  lortu  dute

Gasteiztar baten etxegabetzea ekiditea lortu dute

Mailegu-emaile batek “Gato” kaleratu nahi zuen arren, bertan behera geratu da kaleratzea. 11:00etan zuten hau eta bi adingabeko kaleratzeko asmoa eta Ertzaintza hurbildu da kaleratzea gauzatu nahian. Valentín kalean kokatuta dagoen etxebizitzatik kanporatu nahi zuten arren, epaitegiek bertan behera utzi dute etxegabetzea.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies