Estereotipoak gainditu nahi ditu ‘Emakumeak eta puntu’ erakusketak

Estereotipoak gainditu nahi ditu ‘Emakumeak eta puntu’ erakusketak

Ostiraletik aurrera, Eider Bernaola argazkilari gasteiztarraren lana ikusgai egongo da Judimendiko ARTgia aretoan. Sare sozialak izan dira Bernaolak deialdia egiteko erabili duen tresna: ernatzuna “ezinhobea” izan dela adierazi du.

Alea.eus bidez

Emakumearen, edertasunaren eta gorputzaren inguruan sortutako esterotipoak apurtzeko apustua egin du Eider Bernaolak Emakumeak eta puntu erakusketan. Datorren ostiraletik aurrera, hilak 20, eta azaroaren 18ra arte ikusgai egongo dira obra osatzen duten argazkiak, Judimendiko ARTgia aretoan.

Emakume biluzien argazkien bitartez, konplexuak landu ditu Bernaolak: “Irudien bidez elikatzen den markoa da, eta irudi horien bidez sortu edo indartzen dira este- reotipoak”. Argazkilari gasteiztarrak estereotipo patriarkalak nagusi direla uste du, eta horiei aurre egin eta ikusmolde feminista eta jarrera etikoa aldarrikatzen du.

Deialdia, sare sozialen bidez

Sare sozialak izan dira Bernaolak deialdia egiteko erabili duen tresna, eta erantzuna “ezinhobea” izan dela adierazi du. Izan ere, lanak hamabost emakumeren gorputza erakusten du, baina proiektua bera emakume gehiagoz osatuta dago. 

Gainera, partaide bakoitza bakarka ezagutzea izan da gaztearen asmoa: “Besteak beste, bakoitza nola sentitzen den bere gorputzekin, autoestimuz eta besteekiko onarpenaz hitz egin dugu. Oso interesgarria izan da, era guztietako emakumeek hartu dutelako parte”. 

Erakusketa ostiralean inauguratuko da, baina proiektua ez dago erabat itxita: “Nahi duenak parte har dezake oraindik, etorkizunean erakusketa handitzen joatea baita asmoa”. Zenbat eta gorputz desberdinagoak eta istorio anitzagoak bildu, proiektua orduan eta “aberasgarriagoa” izango dela nabarmendu du. 

Bernaolarekin batera, Miriam Santos arituko da ostiralean; hark girotuko du erakusketa Buffrö izeneko proiektu musikalaren bitartez. Ikusleak deseroso sentiarazteko asmoz, zarata eta giro soinua erabiliko ditu erakusketa laguntzeko. Hausnarketa eragin nahi du ikusleengan, irudi eta zarata horien aurrean sortutako deserosotasunaren arrazoia bila dezaten. 

Gasteizen 1976an zein Katalunian 2017an, erregimena arriskuan ikustean Estatuak berdin erantzun du: “A por ellos”

Gasteizen 1976an zein Katalunian 2017an, erregimena arriskuan ikustean Estatuak berdin erantzun du: “A por ellos”

Gasteizen, erregimenarentzat arriskutsua zen mugimendu asanblearioa zapaldu nahi izan zen 1976an, eta herri oso bat atera zen kalera. Katalunian ere egungo erregimena kinkan jarri du prozesu independentista transbertsal eta zabalak. Argiako Urko Apaolazak bi egoerak alderatu ditu.

Argia.eus bidez/ Urko Apaolaza

Urriaren 7an Gasteizen Zaramagako bazterrak ezagutu genituen Argia Egunean, Martxoak 3 elkarteko lagunen eskutik. Langile auzo hartan duela 41 urte izandako sarraskiaren agertokiak bertatik bertara ikusi genituen; egun itxirik dagoen San Frantzisko eliza barruan ere izan ginen, Luis Llachen Campanades a morts entzunez orduko giro itogarria gure azalean sentitzeko. 1976an poliziak hango kristalak hautsi eta barruan zegoen milaka jende literalki gaseatu zuen.

Elizaren hormigoizko paretetan ikus-entzunezko sormen lana proiektatu zuten Martxoak 3koek: tiroz hildako bost langileen senideen orduko testigantza ikaragarria, txikitatik begi-ninian geratu zaizkigun argazki historikoak… eta audioak. Poliziari FM frekuentzia bidez atzemandako  audio horiek askotan entzun ditugu, baina orainaldira itzularazi gintuen detaile batez jabetu ginen:  “…Si hay gente a por ellos (…) vamos a por ellos, cambio”.

Ezkilen hotsa Katalunian sumatzen den honetan, antzekotasun ugari daude duela lau hamarkada gertatutakoarekin. Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri oso bat atera zen kalera. Katalunian ere egungo erregimena kinkan jarri du prozesu independentista transbertsal eta zabalak. Ez da kasualitatea 1976an hildako langileak agurtu zituzten Katedral Berriaren plaza okupatu izana  Agur 78 ekimenak “erregimena hausteko” lehen urrats bezala.

Fragak esan zuen: “Adibide triste honek balio dezala lezio gisa”. Martxoaren 3ko sarraskia erabaki politiko bat izan zela baino azalpen gardenagorik… Poliziaren  “a por ellos” edo “carguen con todo” bakoitzaren atzean –Iñigo Cabacas hil zuten gauean ertzain buruak esan zuen bezala– agindu politikoak baitaude.

Human Rights Watch erakundeak ondorioztatu du urriaren 1eko Kataluniako autodeterminazio erreferendumean “gehiegizko indarra” erabili zela eta eskatu du 1.000 zauritu baino gehiago –batzuk oso larriak– eragin zituen poliziaren biolentziaren inguruko ikerketa independente bat egiteko. Ez dakigu ikerketa egingo den, ezta inoiz erantzukizun politikorik argituko den ere.

Baliteke Rajoy eta Sáenz de Santamaríak etorkizunean amaitzea Fraga eta Martin Villak bezalaxe, euren justiziak babesturik. Baina Llachen kantak dioen bezala, herritar askoren oroimenak pertsegituko ditu, heriotzan ere, “arrazoiaren hiltzaile” direnak.

Greba ezberdinekin hasi dira Vithas ospitaleko langileak Gasteizen

Greba ezberdinekin hasi dira Vithas ospitaleko langileak Gasteizen

Urriaren 17an egin zuten lehenengo greba eguna baina urriaren 25ean, azaroaren 2an eta azaroaren 6an ere greba eguna deituta dute. Polemikaz betetako ospital pribatua da Vithas, besteak beste, emakumeak diskriminatzeagatik.

Arg: Redacción médica

Vithas ospital pribatuko langileek greba eguna izan zuten urriaren 17an, asteartean. Baina ez da lehena izango: urriaren 25ean, azaroaren 2an eta azaroaren 6an ere greba egunak planteatuta dituzte. Guztira, 200 langile inguru daude egun ospitalean lanean.

Hala ere, langileen artean ezberdintasunak daude grebari dagokionez. Izan ere, “La Previsora”-n lan egiten zuten langileek -ospitalari lotutako enpresa- abantaila batzuk dituzte, tartean, jubilazioagatik saria edo osasun txartela.

Langileek salatu dutenez, Araba, Bizkaia eta Gipuzkoan dauden ospitaleen artean, Gasteizkoa da soldata txikiena daukana. Horretaz gain, haien esanetan, “langileek beste ospitaleetan baino ordu gehiago sartzen ditugu hemen”.

Hori dela eta, “enpresak hitzarmen kolektiboa negoziatzeko duen borondate eza” ere salatu nahi dute grebarekin: abenduaren 31n amaitu zen hitzarmena, hamar urteko iraunaldia zuena. Enpresak planteatzen duena, soldatak igotzea da, baina enpresaren etekinen araberako igoera.

Lanorduei dagokionez, 1.700 ordu dituzte urtean. Lanordu hauek jaistea eskatzen dute, “bajengatik ere estaldura duinagoak” bermatuz.

Polemikaz betetako lantokia

LAB sindikatuak, irailean, langileak kontratatzeko enpresak erabiltzen duen hautaketa prozesua salatu zuen. “Emakumeak diskriminatzen ditu hautaketa prozesuak”, salatu zuen sindikatuak orain dela urte erdi. Vithas ospitaleak emakumeak kirurgia blokeetatik baztertzen dituela salatu zuen orduan LAB-ek: “Baldartasun eta abilezia-eza bezalako aitzakiak erabiltzen dituzte emakumeak albo batean uzteko”.

Gogoratu beharra dago, nahiz eta ospitale pribatu bat izan, osasun publikoak ere gune hau ere erabili dezakeela “egoera kritikoetan”.

 

Gasteizko euskaldunen jaia ospatuko dute urriaren 28an

Gasteizko euskaldunen jaia ospatuko dute urriaren 28an

GEU elkarteak 25.urteurrena ospatuko du, eta hiriko euskaldun guztiak elkartu nahi ditu, egun osorako prestatu duen egitarauarekin.

Geu Elkartea bidez

Orain hogeita bost urte sortu zen GEU elkartea Gasteiz euskaldunago bilakatzeko helburuarekin. Mende laurden beranduago egindako bidea ospatu eta erronka berriei heltzeko bidelagun berriak nahi ditu orain elkarteak.

Bestetik, Gasteizko Mintzalaguna egitasmoak hamar urte bete ditu aurten. Lehenengo urtean ehun lagun hasi ziren astero astero ordubetez euskaraz mintzatzeko elkartzen. Kopuru hori biderkatzen joan da urtez urte, eta dagoeneko 700 lagunek osatzen dute mintzalagunen sarea Gasteizen.

Hori dela eta, asko dute elkarrekin ospatzeko, eta horretarako, Egin dezagun kale! eguna antolatu dute. Gasteizko euskaldunak kalean elkartuko dira urriaren 28an, kalean euskaraz egiteko: “Gasteizko euskaldun guztiak gurekin eguna ospatzera gonbidatu nahi ditugu”.

Egitaraua

Urriaren 28an, larunbatean, egun osoko egitaraua antolatu dute. 

  • Atzo, gaur eta biharko Gasteiz euskalduna bisita gidatua · Oihaneder Euskararen Etxea · 11:00
  • Mikro-antzerki saioak · Ortzai / Nisune (ZAS espazioa) / Nahia Hualde (Baratza aretoa) ·12:30-14:00 Argibideak eta sarrerakPrezioa: saio bakoitza 2 euro/  Hiru saioak: 5 euro
  • Bazkaria* · Landatxo kiroldegia · 14:30  Bazkari txartelak > 20 euro Eskatzeko>  info@geuelkartea.eus / 945222153 /688819118 (watxap) *GEUko bazkideei, ALEAko harpidedunei eta Gasteizko Mintzalagunei eskaintza berezia: Bazkaria +Mikro-antzerkirako sarrerak: 20 euro.
  • LARUNBATAK (ERE) JAI · Pupu eta Lore · Landazuri eskola · 17:00 ·  Gonbidapenarekin bakarrik*
  • EGIN DEZAGUN KALE-JIRA! · Andre Mari Zuria · 19:00
  • Joselu Anaiak · Falerina Lorategia · 20:30

AskeRock, dena prest azkena izatea nahi duen lehenengo ediziorako

AskeRock, dena prest azkena izatea nahi duen lehenengo ediziorako

Egoera salatu eta dispertsioari aurre egiteko baliabideak lortu nahi dituzte jaialdiarekin. 16:00etan hasiko dira kontzertuak eta larunbatean ere sarrerak erosteko aukera egongo da. Zenbait ohar bildu ditugu gurean.

Dena prest dago larunbatean ospatuko den AskeRock jaialdirako. Arabako errepresaliatu politikoen jaialdiak bi helburu nagusi ditu: pertsona hauek sufritzen duten egoera gizarteratzea eta hauen senideek dispertsioaren gastuei aurre egiteko baliabideak lortzea. Aurreko ikasturtean hasi ziren hau prestatzen, eta azkenean, urriaren 21ean, bere fruituak emango ditu: jendeta espero da Mendizabalan.

Ostegunetik larunbatera bitartean muntaketa lanak egongo dira Mendizabalan, larunbat arratsalderako dena prest egoteko. Egun hauetan, beraz, nahi duenak aukera izango du Mendizabalatik pasatzeko muntaketan laguntzeko. Elkartasun jaialdia den heinean, dozenaka boluntariok egin dute posible jaialdia. Egunean bertan ere dozenaka bolondres egongo dira barra, segurtasun, protokolo… txandak egiten.

Larunbatean Mendizabalako gunera hurbiltzeko asmoa dutenentzako, zenbait ohar bildu ditugu gurean:

  • Sarrerak salmenta-puntuetatik kenduko dituzte ostegunean. Hauek erosteko azken aukera larunbatean bertan izango da, Mendizabalan bertan. 12:00etatik egongo da sarrerak erosteko takila irekita.
  • Ateak 15:30etan irekiko dira eta lehennego kontzertua 16:00etan hasiko da.
  • Eraso matxistak salatzeko telefono bat egongo da: 688 718 701.

Oholtza gainean egongo diren taldeei dagokionez, Euskal Herriko eta Herrialde Katalanetako taldeek izango dute protagonismoa. Gainera, ekitaldi batekin ere dispertsio politika salatuko dute.

16:00 Bad Sound

17:10 Willis Drummond

18:50 Mafalda

20:10 Esne Beltza

21:50 Riot Propaganda

23:30 Ekitaldia

23:50 Eskean Kristo

01:10 Zoo

02:40 Txarango

Dispertsioaren datuak Araban

Egun, 29 pertsona daude preso Araban. Batez beste, etxetik 660 kilometrotara daude; hau da, senide eta lagunek 1.300 kilometro baino gehiago egin behar dituzte bisita bakoitzeko. Beste modu batean esanda, 20.000€ suposatzen die dispertsioak senide eta lagunei urtero.

“Ez gara libre izango haiek ASKE izan arte” leloa daukan jaialdiak, honekin bukatzen laguntzea du asmoa. Hori dela eta, lehenengo jaialdia den bezala, azkena izatea nahi dute. 

Eskean Kristo taldeak egin du jaialdiaren bideoklipa

 

 

Ikasle Eguna ospatuko dute ostegunean Gasteizen

Ikasle Eguna ospatuko dute ostegunean Gasteizen

Ikasturtea hasi berritan, Ikasle Eguna ospatuko dute urriaren 19an, ostegunean Gasteizen. Ikasle Abertzaleak antolatutako egunaren baitan, hitzaldia, bazkaria, mural margoketa eta kontzertuak egongo dira. Horretaz gain, Errekaleorri babesa adierazteko manifestazioa egingo dute 13:00etan. Behin mobilizazioa auzo askera iritsita, bertan egingo dituzte eguneko ekintza guztiak.

Eguna iragartzeko spota publikatu dute

Egitaraua osorik

Urtaran cierra la vía a la negociación con Errekaleor y a buscar una alternativa a las vecinas

Urtaran cierra la vía a la negociación con Errekaleor y a buscar una alternativa a las vecinas

“No tienen más margen de negociación”, afirma el alcalde. Estas declaraciones vienen horas después de que Errekaleor anunciase el comienzo de la instalación de las placas solares y que en Judimendi un grupo de jóvenes ocupase un bloque.

Puertas cerradas a la negociación. El alcalde de Gasteiz, Gorka Urtaran, cerró el lunes la puerta a una posible negociación con Errekaleor Bizirik; además de eso, ha alardeado que los planes de derribo siguen adelante y que es cuestión de semanas o meses.

“El plan de derribo sigue su curso”, ha afirmado después de que el pasado 13 de septiembre el consejo de la sociedad municipal Ensanche 21 contratase el diseño del plan de acción correspondiente.

Por si fuera poco, Urtaran había afirmado más de una vez que el estaría dispuesto a ofrecer una alternativa a las vecinas de Errekaleor. Ahora, sin embargo, afirma que esa opción no existe: “Creo que ya está todo dicho, aquí no cabe negociación posible y lo que queda es intervenir. No tienen más margen de negociación”

Nada altera los planes

Estas declaraciones vienen tan sólo 48 horas después de que Errekaleor Bizirik anunciase que habían comenzado con la instalación de placas solares para ser autosuficientes energéticamente y para ser la isla energética soberana más grande de Euskal Herria.

Hay que sumarle a ello, que el lunes se hacía público que un grupo de jóvenes ha ocupado un bloque en el barrio de Judimendi. Son más de diez los bloques ocupados en Gasteiz, entre los que se encuentran viviendas de la calle Pintorería, Txikita, el frontón Auzolana…

Respecto a la ocupación de una serie de pisos del Casco Viejo que el Ayuntamiento iba a ofertar en alquiler para jóvenes, el alcalde ha lamentado que mientras el Consistorio “pone en marcha programas de alquiler social para jóvenes, muy asequibles, para dar respuesta a los problemas que tienen, venga alguien y los ocupe”. Pero la realidad es que la mitad de los jóvenes gasteiztarras no llegan a mileuristas y que es prácticamente imposible enonctrar pisos por debajo de los 500€.

Orduz Ordukoa | Herrialde Katalanekin elkartasuna Araban

Orduz Ordukoa | Herrialde Katalanekin elkartasuna Araban

Iraila hasieratik ekimen ugari egiten ari dira Araban Herrialde Katalanei elkartasuna adierazteko. Anna Gabriel, Ernai, ANC, AsCATasunera… Egunez egun ateratzen diren irudi, bideoak eta albisteak bilduko ditugu hemen.


Urriak 17 | Gure Esku Dagok elkarretaratzeak egin ditu Euskal Herriko txoko guztietan. Gainera, akzeroladak egin zituzten behin ere.

Gasteizko elkarretaratzearen irudiak:

Aiaraldean ere (Arg: aiaraldea.eus):


Urriak 12 | Manifestazio zaratatsua egin dute Gasteizen, “78ko erregimena” hausteko eta demokraziaren eta Kataluniaren alde. Jai egun arrotza izanik, ehunka lagun bildu dira Gasteizko erdialdean Kataluniako herriari babesa adierazteko.

Manifestazioan zehar, zarata izan da nagusi eta geldialdiak egin dituz Gobernu Militarrean eta Gobernu Ordezkaritzan.


Arratsaldeko manifestazioa

Urriak 3 | Euskal Herriko gehiengo sindikalak deituta, elkarretaratzea egin dute goizeanGasteizko Udaletxean, Herrialde Katalanak babesteko. Gasteizko Kanpusean ere manifestazioa egin dute eguerdian. Arratsaldean, aldiz, sindikatuek manifestazioa egin dute eta milaka lagunek babestu dute deialdia.

22:00etan kazeroladak antolatu dituzte. Auzoz-auzo antolatzen hasi dira, batera ateratzeko kazeroladekin eta erantzun handia izan du. Hala Bediko twitterrean auzoetako kazeroladen bideoak bildu ditugu txio segida honetan:


Urriak 2 Urriaren 3an, Katalunian greba orokorra duten bitartean, Euskal Herriko gehiengo sindikala kalera aterako da eta herritarrak mobilizatzeko deia egin dute.
11:00etan, Udaletxe guztietan, elkarretaratzeak egingo dituzte. Gainera, Gasteizen, 19:00etan manifestazioa deitu dute, Andra Maria Zuriaren plazatik abiatuta.
Igandean arrakasta handia izan zuen kazeroladak baina urriaren 3rako deia zabaldu dute sare sozialen bitartez: 22:00etan, Arabako balkoi eta lehio guztietan kazeroladak. Judimendin 22:00etan gertau dira Sefarad plazan eta Txagorritxun, 21:45tan Laberinto tabernan. Horretaz gain, Ernai Gazte Antolakundeak manifestazioa egingo du urriaren 3an, 12:00etan Gasteizko kanpusetik abiatuta.

 

Irailak 28 | Arabako gazteen indar erakustaldia, “Baimenik ez aske izateko” lelopean Ernaik deitutako Borroka Egunean.

Horrez gain, gehiengo sindikalak ere elkarretaratzea egin du goizean Gobernu Ordezkaritzaren aurrean. Gaur jakin dugu gainera Gure Esku Dagok elkarretaratzea deitu duela igandean, 13:00etan Gasteizko udaletxearen aurrean.

Irailak 27 | 28ko Borroka Egunaren harira, ikastetxeetan dauden eskaeren berri izan du Hala Bedik. Guztira, 21 ikastetxe edo insitutuetan egon daitezke bihar paroak. Aiaraldeari dagokionez, Amurrioko Zaraobe eta Laudioko ikastola eta institutuan paroak eskatu dituzte. Zuiako BHIn eta Lautadako Aniturrin ere berdina eskatu dute.

Gasteizen, aldiz, eragin zuzena izan dezake Borroka Egunak ikastetxe ezberdinetan: Lakuabizkarran, Unamunon, Mendebaldean, Armentian, Koldo Mitxelenan, Ekialde 2-n, Los Herranen, Olabiden, Mendizabalan, Arkauten, Frantzisko Vitorian, Molinuevon eta Mendizabalan paro eskaerak daude. Ikasbidean, Jesus Obreron eta Gamarran ere hauek erregistratzen saiatuko dira.

Borroka Eguneko planari dagokionez, goizean goizetik hasiko dira ekimenak. Aurkezpen ezberdinak eta propaganda banaketa egongo dira Gasteizko Kanpusean, manifestazio nagusiarekin bat egingo duten bi zutabeen aurretik: 12:00etan Aulariotik eta 12:15etan Gaztetxetik zutabeak egongo dira, 12:30etako mobilizazio nagusiarekin bat egiteko. Arratsaldean, berriz, 20:00etan, “Autonomismoaren Aurkako Martxa” egingo dute.


Irailak 25 | Osteguneko Borroka Eguna hurbildu ahala, gero eta detaile gehiago eman ditu jakitera Ernaik. Zutabeak antolatu dituzte manifestazio nagusiarekin bat egiteko. Bat, Gaztetxetik aterako da; hori baino lehen, Gasteizko kanpuseko aulariotik beste bat.

Irailak 24 | Gasteizen ez ezik, Aiaraldean ere “Mambo” nahi du Ernaik. PPren egoitzan estelada bat margotu dute, erreferendumeko bozkaketa paper handi bat bertan jartzeaz gain. Modu honetan, irailaren 28ko Borroka Egunerako deia egin dute.

Oraingoan, Correosi “Urna, grande y libre”. Correos enpresak bere langileak mehatxatu zituen: urriaren 1eko informazioa bidaltzeko trabak jarri dizkiete langileei. Ernai Gazte Antolakundeak hau salatu nahi izan du, eta sarera igotako bideo batean ikus daitekeenez, tren geltokian eta Gasteizko Correosen hau salatu dute, katalanek bozkatzeko duten eskubidea defendatuz.


Irailak 22 | Eguneko beste bi irudi. Aramaion, elkarretaratzea egin dute Herrialde katalank babesteko. Gasteizko Judimendi auzoan, aldiz, “debekatu nahi dituzten hautestontziak” jarri dituzte auzoan.

Amurrion, Laudion eta Agurainen ere elkarretaratzeak egin dituzte: ikasleek hartu dute irailaren 22ko goizeko protagonismoa. Horretaz gain, aiaraldea.eus-ek jakinarazi duenez, urriaren 1ean Kataluniara joateko autobusa antolatu dute. 

Gazte talde batek -20 inguru- Gorbeia kalea zeharkatu zuen ostegun gauean, poteo orduan. Bertan zeudenei eskuorriak banatzeaz gain, giro  alaian kartelak jarri zituzten eta irailaren 28ko Borroka Egunerako deia egin. Aipatzekoa da ere, Gasteizko Udalak Guardia Zibilaren erregistroen aurkako adierazpen bat onartu duela -PPk eta PSEk aurka bozkatu dute-.

ELA, LAB, ESK, Steeilas, HIRU eta Etxalde sindikatuek deituta, elkarretaratzea egingo dute Gobernu Ordezkaritzen aurrean. Gasteizen, 12:00etan izango da. Egun horretarako Borroka Eguna deitu du Ernai Gazte Antolakundeak.


Irailak 21 | Gasteizko Kanpusean elkarretaratzea egin dute ostegun goizean, Ikasle Abertzaleak sindikatuak deituta. 

Gure Esku Dagok elkarretaratzea deitu irailaren 21ean Murgian, Goberialdean.

Ikasleak ere kalera aterako dira hurrengo egunetan. Gaur bertan, elkarretaratzea egingo dute Elurretan, Gasteizko kanpusean. Irailaren 22an, ostiralean, elkarretaratzeak egingo dituzte Aiaraldeako ikastetxeetan. 


Irailak 20 | Mila lagun baino gehiago batu dira Gasteizen. Ikur eta aldarrikapen ezberdinak ikusi dira, Herrialde Katalanekin elkartasunean eta demokraziaren aldeko mezuekin.

 

Gasteizen ez ezik, Arabako herri ezberdinetan ere elkarretaratzeak egin dituzte. Irudietan, Laudioko, Oiongo, Amurrioko, Aguraingo, Artziniegako eta Murgiako elkarretaratzeak.

 

Elkarretaratzeak deitu dituzte udaletxeen aurrean irailaren 20ko (asteazkena) arratsaldean. 20:00etan izango da elkarretaratzea, Andra Maria Zuriaren enparantzan “Katalunarekin bat! Demokraziarekin bat!” lemapean. Laudion, Amurrion, Murgian, Oionen eta Kanpezun ere elkarretaratzeak egingo dituzte.

Lautadan ere datorren egunetan ekimen ezberdinak antolatu dituzte gazte eta ikasle esparruetan. Gazteek, irailaren 22an musikalejira egingo dute Santa Mariatik; egun berean, goizean, ikasleek asanblada eta elkarretaratzea egingo dute. Irailaren 28rako paroak iragarri dituzte, Gasteizko mobilizazioarekin bat egiteko.

Irailak 19 | “Urna, grande y libre”. Ernaik publikatu duen bideoa ikus daitekeenez, Gasteizko Sansomendi auzoko Guardia Zibilaren kuartelean “Urna, grande y libre” margoketa egin dute, “¿Dónde están las papeletas?” izenburua daukan bideoan. 


Irailak 18 | Ernai Gazte Antolakundeak irailaren 28rako Borroka Eguna deitu du. 12:30etan manifestazioa egingo dute, Andra Maria Zuriaren plazatik abiatuta. Ernai Gasteizek sare sozialetan zabaldu duen bideoan ikus daitekeenez, Gasteizko Alde Zaharreko kaleetan Borroka Egunean parte hartzeko deia egin dute margoketa eta bestelako ekimenen bitartez.


Irailak 15 | Anna Gabrielen hitzaldia eten zuen Udaltzaingoak. Bildutakoek, aldiz, bozkatzeko eskuorriekin erantzun zioten Udaltzaingoari, Gasteizko Udalari, Gobernu Delegaritzari eta Javier De Andresi.

  • Lehenengo bideoan, Anna Gabriel hitzartzea Udaltzaingoa sartzen denean.
  • Bigarrenean, hitzaldia osorik: “ilegala” zen hitzaldi/elkarrizketa.


Irailak 11 | Herrialde Katalanekin elkartasun elkarretaratzea egin zuten irailaren 11n, Diada egunean, AsCATasunera-k deituta.


Irailak 9 | ANC Euskal Herriak antolatuta, elkarretaratzea egin zuten Gasteizen. “Kataluniarekin Diadan eta erreferendumean” izan zen leloa.

Apirilaren 12an aterako da Igor Uriarte “Txopo” espetxetik

Apirilaren 12an aterako da Igor Uriarte “Txopo” espetxetik

Iraileko epaiketan, sei urteko epetxe zigorra ezarri zioten Uriarteri. Harekin batera epaitu zuten Raul Aduna gasteiztarrari zazpi urteko espetxera kondenatu zuten.

Igor Uriarte, “Txopo”, gasteiztarra apirilaren 12an aterako da espetxetik. Hori da Frantziako justiziak ezarri dion data berria. Irailean epaitu zuten Uriarte, beste bost lagunekin batera, tartea, Raul Aduna gasteiztarra. Guztira, sei urteko espetxe zigorra ezarri zioten; Adunari, aldiz, zazpi urte. 

Uriarte 2013an atxilotu zuten Frantziako indar polizialek, beste bost kideekin. Epaiketa eta sententzia salatzeko, mobilizazio ezberdinak egin zituzten duela hilabete bat Gasteizen.

Hala ere, espetxetik ateratzerakoan, euroagindu bat izango luke pendiente Uriartek, Ekin-en aurkako polizia operazio batengatik. Kausa honen epaiketara ez zen aurkeztu.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies