Justizia  eske,  Gasteizko  epaitegien  aurrean  kontzentratzera  deitu  dute  Memoria  eragileek  Martxoaren  3aren  atarian

Justizia eske, Gasteizko epaitegien aurrean kontzentratzera deitu dute Memoria eragileek Martxoaren 3aren atarian

Arabako Batzar Nagusiek aurkeztutako kereila artxibatu izana salatu dute Argentinako Kereila aurrera eraman nahi duten Euskal Plataformako kideek. Besteak beste, Jacinto Lara edo Chato Galanteren babesa jaso dute. Martxoaren 2an egingo dute elkarretaratzea, Gasteizko epaitegien aurrean. 

Gasteizko epaitegiak Arabako erakundeek 1976ko sarraskia argitzeko kereila artxibatzeko erantzuna eman ondoren, Frankismoaren Krimenen aurkako Euskal Plataformak abian jarriko diren ekimenen berri eman du, izen garrantzitsuak bildu dituen agerraldi batean. Besteak beste, bertan egon dira: Josu Ibargutxi, Frankismoaren Krimenen aurkako Euskal Plataformaren bozeramailea, Martxoak 3 elkartea bera, Chato Galante eta Jacinto Lara Bonilla, Espainiako Giza Eskubideen Aldeko elkarteko presidentea eta CEAQUAko abokatua (Coordinadora Estatal de Apoyo a la Querella Argentina).

Agerraldi hau, Martxoaren 3agatik Arabako Batzar Nagusiek aurkeztutako kereila artxibatu ostean egitea erabaki dute. Izan ere, Gasteizko epaitegi batek bost langileen hilketak preskribatuta zeudela ebatzi zuen orain dela bi aste. Orain dela urtebete, salaketa aurkeztu zuten Arabako Batzar Nagusiek, Aldundiak eta Gasteizko Udalak, baina Batzar Nagusiena artxibatu egin du Gasteizko 3. Instrukzio Auzitegiak.

Elkarretaratzea, martxoaren 2an Gasteizko epaitegien aurrean

Martxoaren 3aren atarian, elkarretaratzea deitu dute: martxoaren 2an, 12:00tan, Gasteizko epaitegien aurrean. Sindikatu, alderdi eta eragile guztiei mobilizazio honetan parte hartzeko deia egin diete. Urtero legez, Martxoaren 3ko ekimenek protagonismoa izango dute egun bat beranduago: aurrerago iragarriko ditu Martxoak 3 elkarteak berak.

Soziedad Alkoholika taldea, Martxoaren 3ra begira

Soziedad Alkoholika gasteizko taldeak diskoa estreinatuko du martxoaren 3an, eguna nahita aukeratuta. Izan ere, 1976ko martxoaren 3ko sarraskia izango dute gogoan diskoan. Horren adierazle, diskotik aurreratu duten abestia: ‘No olvidamos, 3 de marzo’

 

‘HalaBeditarrak’,  el  movimiento  popular  frente  a  la  cámara

‘HalaBeditarrak’, el movimiento popular frente a la cámara

Una persona de un entorno concreto. Un colectivo del movimiento popular de Araba. Con tranquilidad, reflexionando, preguntando  e intercambiando conceptos e ideas. Ese es el nuevo formato que vamos a poner en marcha desde el grupo de Hala Bideo, ‘HalaBeditarrak’. Unos serán en euskera y otros en castellano, dependiendo del colectivo y de la persona invitada. 

Ejemplo de ello será el “HalaBeditarrak” que estrenaremos este mismo fin de semana: juntamos a Irantzu Varela, militante feminista, y al colectivo de jóvenes feministas Negeak alrededor de una mesa.  Reflexionarán sobre los restos del feminismo, el documental “Él nunca me pegó” y sobre diferentes conceptos que suele utilizar Varela en “El Tornillo”. Cómo adelanto, os dejamos el trailer de este primer “HalaBeditarrak”.

 

Eskuin  muturreko  turkiarrak  Öcalanen  Askatasunaren  Aldeko  Nazioarteko  Martxa  Luzea  erasotzen  saiatu  dira

Eskuin muturreko turkiarrak Öcalanen Askatasunaren Aldeko Nazioarteko Martxa Luzea erasotzen saiatu dira

Sarre – Union herrian saiatu dira erasotzen, tartean, Hala Bediko bi kideak. Kide internazionalistek autodefentsaren bidea hartu dute. Orain, zortzigarren etapan, normaltasuna nagusi.

*Albistearen amaieran Igarki De Roblesi ARABA HIZPIDEn egindako elkarrizketa entzungai

Otsailaren 7ko gauean eman zen eraso saiakera. Hala Bediko kideek jakinarazi dutenez, gaua pasatzera joan diren herrian 20 – 30 turkiar zeuden. Lo egingo zuten tokira indarrez sartzen saiatu ziren, besteak beste, poliziaren pasibitateari esker. Baina autodefentsari ekin eta kide kurdu zein internazionalistek barruan eutsi zuten; gainera, martxako emakumeek, emakume bezala, autodefentsa estrategia ere antolatu zuten. Ostean, poliziak ez zien kanpora ateratzen utzi, “segurtasunagatik”.

Çira TV eta Sterk TV telebista kurduek azkar batean eman zuten honen berri. Hori dela eta, alboko herrietako kurduen mobilizazioa oso azkarra izan zen; bideoan ikus daitekeenez, harrera beroa jaso zuten alboko herrietako kurduek Sarre – Unionen; azkenean, gainera, bertan lo egitea erabaki zuten.

Martxan zehar, azken etapan batez ere, Turkiako “Otso Grisen” keinuak ikusi behar izan zituzten kide internazionalistek bidean zehar. Gogoratu behar dugu, “Otso Grisak” eskuin muturreko helburuak aurrera ateratzeko, besteak beste, kurduak hil izan dituztela. Hala Bediko kideek jakinarazi dutenez, tentsio momentu handiak bizi zituzten, baina normaltasunera itzuli da martxa. Larunbatean amaituko da hau, Estrasburgon, martxa eta jaialdi batekin.

Erasotutako kristal bat

*Igarki De Roblesi ARABA HIZPIDEn egindako elakrrizketa entzungai:

Entzun
[HalaBideo]  Alejandro  Cao  de  Benós:  «Yo  como  comunista  siempre  creo  más  en  la  unidad  que  en  la  separación»

[HalaBideo] Alejandro Cao de Benós: «Yo como comunista siempre creo más en la unidad que en la separación»

El pasado viernes 3 de febrero Alejandro Cao De Benós visitó Gasteiz con motivo de una serie de charlas que está realizando por toda Euskal Herria. El primer representante occidental de Corea del Norte en las relaciones con Occidente también es delegado especial honorario de ese país y delegado especial del Comité de Relaciones Culturales con Países Extranjeros.

Antes de la charla de Hala Bedi Taberna, la cual se quedó pequeña, Cao de Benós visitó los estudios de Hala Bedi Irratia, para que el magazin matinal Suelta La Olla le realizase una entrevista. Este video es un resumen de la entrevista realizada en dicho programa.

Öcalanen  aldeko  Nazioarteko  Martxa  Luzea:  erdibideko  kronika

Öcalanen aldeko Nazioarteko Martxa Luzea: erdibideko kronika

Öcalanen aldeko Martxa Luzea 5. egunera iritsi da. Luxenburgon hasi eta Frantzia iparraldeko hainbat herri igaro ondoren Saint Avold herrira iritsi da. Öcalan eta preso politiko kurduen askatasuna eskatuz eta Kurdistanen auziari konponbide politiko bat aldarrikatuz igaro ditugu martxaren lehen egunak. Kide internazionalista eta kurdu gehiago batzen joan dira egunak igaro ahala, eta martxa hedadura handiagoa hartzen hasi da. Estrasburgora iritsi orduko dagoeneko hasi diren beste hainbat martxekin batu eta milaka izango gara herri kurduaren aldeko mobilizazio eta jaialdi erraldoiean parte hartuko dugunak.

Martxa guztian zehar komunikabide kurduek ez dute atsedenik hartzen. Uneoro Alemania, Frantzia, Portugal, Andaluzia, Italia, Bretainia, Madril, Herrialde Katalanak zein Euskal Herriko kide ezberdinei elkarrizketa eta erreportaiak egiten dabiltza telebista kurduetan zuzenean emititzeko, eta zabalpen lan handia egiten ari dira. Sterk TV eta Çira TV (telebista yazidia) dira telebista kanal nagusienak. Preso politiko kurduen eta haiekin elkartasunean euskal preso politikoen aipamenak ere uneoro izaten dira komunikabideen aldetik.

Preso politikoez gain, emakumeen borrokak ere tarte handia hartzen du komunikabideetan. Emakumeak gero eta presentzia handiagoa hartzen ari dira egunak igaro ahala. Martxaren burua egunero emakumez osatua izaten ari da, eta emakume kurduen antolakundeen ikurrak areagotzen ari dira. Honetaz gain, gero eta emakume gehiago ari dira martxara batzen. Martxan zehar oihukatzen diren aldarrikapen asko emakumeen erresistentzia eta borrokaren ingurukoak izaten dira, esaterako “jin, jian, azadi” / “la fem, la vie, la liberté” (emakumea, bizitza, askatasuna)

Egun hauetan igarotako hainbat herritan harrera bereziak izan ditu martxak. Esaterako Frantziako Metz herrian Frantziako Alderdi Sozialistako alkatearen babesa jaso zuen martxak.Herritar kurduak ere harrera beroak egin dizikigute bidean zehar. Frantziako Alderdi Komunistak ere harrera egin zigun , herri kurduari eta bere askapen borrokari elkartasuna helaraziz Metz-Burny herrian.

Martxaz gain, arratsaldetan ailegatzen garen herrietan hainbat formakuntza saio jaso ditugu:

“Egiaren erregimena” izan zen lehenengoa, bertan, Öcalanek proposatutako oinarri filosofikoak azaldu zizkiguten. “Rojava”ren inguruko hitzaldia ere jaso genuen Frantziako Rojavako ordezkariaren eskutik, beste hainbaten artean. Azkena “Jineoloji”ren ingurukoa izan da. Europako Jineoloji Komiteko kide batek emakumeen zientziaren oinarriak eta Rojavan orain arte egindako lanaren inguruko informazioa helarazi digu.

Kultura, gastronomia eta hizkuntza kurdua (kurmanji) ere gertuagotik ezagutzeko aukera izan dugu. Gau batzuk familia kurdu welatparêz-en (abertzale kurduak) etxeetan igaro ditugu, eta harrera ezinhobea egin digute martxan parte hartzen ari garen kide guztioi. Atseden tarteetan kurduen dantza tradizionalak ikasteko eta praktikatzeko tartea izan dugu, eta kurmanji hizkuntzan ere hainbat hitz ikasteko aukera izan dugu.

Azken egunetan eguraldia ez dugu gure alde izan, euria, haizea eta hotza izan baititugu bidelagun. Egunetako ibilbide luzeak ere oinetan nabaritzen hasi dira, baina martxaren kausak garamatza aurrera eta indartsu jarraitzen dugu Estrasburgora aldarrikapen guztiak eraman ahal izateko. Herri kurdua ez dago bakarrik eta hori azpimarratzeko martxak Otsailaren 11ra arte jarraituko du, mobilizazio erraldoiean denak elkartu eta Öcalanen askatasuna eta herri kurdurentzat konponbide politiko bat exigituko ditugu, gure babes eta elkartasuna helaraziz.

* Erlaizonatutako beste artikulu bat: “Ocalanen aldeko martxa luzea; Luxenburgotik sarrera txiki bat”

Ocalanen aldeko martxa luzea; Luxenburgotik sarrera txiki bat

 

Ernai  |  II.  Kongresu  prozesuan:  «Gazteok,  eguneroko  borrokan  eraikiko  dugu  Inurritegia»

Ernai | II. Kongresu prozesuan: «Gazteok, eguneroko borrokan eraikiko dugu Inurritegia»

Ernai gazte antolakundea bere II. Kongresu prozesuan murgilduta dago, ‘Inurritegia’ izenpean. Urrian aurkeztu eta apirilean emango diote amaiera, Kongresu batekin. Ezker abertzalearen baitan emandako Abian prozesuaren ondorioak inplementatzea, gazte estrategia berregokitzea eta antolakuntza eredua eraginkortzea dute helburu. Ernai Gasteiz-ko kideak diren Irene Elorzak eta Xabi Larramendik prozesu honen nondik norakoak azaldu dizkiote Hala Bediri, gazte antolakunde honen ibilbidearen irudiekin osatutako bideoan.


 

Ocalanen  aldeko  martxa  luzea;  Luxenburgotik  sarrera  txiki  bat

Ocalanen aldeko martxa luzea; Luxenburgotik sarrera txiki bat

Urte luzez Imrali irlako biztanle bakartua eta isolatua da Abdullah Ocalan, baina herri oso baten ahotsa ere. 1999tik preso daukaten PKK-ko buruzagi kurdua terrorismoagatik kondenatua izan zen. Azken urteetan espetxeratze baldintza ankerrak direla medio, Ocalanen osasunak okerrera egin du. Egoera honen aurrean, herri kurduaren babes erakustaldiek ez dute etenik izan, eta Kurdistanetik mundura zabaldu dira bere askatasuna eskatzen duten aldarrikapenak.

Horren erakusgarri izan da asteazkenean Luxemburgotik hasi den Lehen Nazioarteko Martxa Luzea. Otsailaren 1etik 11ra Luxemburgo eta Estrasburgo lotuko dituen martxa honek bi aldarrikapen nagusi ditu, alde batetik, Abdullah Ocalanen eta gainontzeko preso politiko kurduen askatasuna eskatzea, eta bestetik, Kurdistanentzako estatus politikoa exigitzea. Finean, egun bizi den egoera latzaren aurrean irtenbide politiko bat bilatzea. Nazioarteko Martxa honetaz gain, beste urte batzuetan bezala, diasporako kurduek aurrera eraman dituzten beste hainbat martxa ere abiatu dira Europako beste leku batzuetatik amaieran bat egiteko.

Nazioarteko Martxa Luze honetan mundu osoko kideak bildu gara kurduen aldarrikapenak babestu eta zabaltzeko asmoz. Besteak beste, Alemania, Portugal, Frantzia, Argentina, Andaluzia, Madril, Herrialde Katalanak eta Euskal Herria (eragile ezberdinetako 6 euskal kide internazionalistek hartuko dugu parte martxa honetan) eta, nola ez, kurduak. Aldarrikapen leloak, eztabaida ideologikoak eta elkarrizketak hizkuntza ezberdinetan partekatu ditugu. Hala ere, Ocalanen eta preso politikoen aldeko aldarrikapenek eta herri kurduaren eskubideen aldeko defentsak batzen gaitu. Lelo zaharrak dioen bezala, «elkartasuna da herrien arteko samurtasuna».

Presente dago Ocalan egun hauetan zehar. Goizean goizetik, Luxemburgon dagoen Europar Batasuneko Justizia Auzitegiaren aurrean bildu ginen elkarretaratze bat eginez. Ondoren burutu zen prentsaurrekoan nazioarteko ordezkaritzek hartu zuten hitza, elkartasun mezuak adieraziz. Kurdistaneko eragile ezberdinen eta Ocalanen ikurrak hartu eta dozenaka lagun abiatu ginen orduan Audun Le Tiche herrira. Bidean zehar «biji berxwedana Rojava» (gora Rojavako erresistentzia), «biji serok Apo» (gora «Apo» buruzagia) eta «jin, jiyan, azadi» (emakumea, bizitza, askatasuna) bezalako oihuak entzun ahal izan dira.

Datorren egunetarako hitzaldi eta tailer ezberdinak antolatu dira. Rojavako egoeraren inguruan, konfederalismo demokratikoaren oinarrien inguruan eta Jineoloji emakumeen zientziaren inguruan, besteak beste. Aukera paregabea Kurdistaneko borroka gertuagotik ezagutzeko.

Martxa Estrasburgon amaituko da hamar egun barru jaialdi eta manifestazio handi batekin. Bertan, asteazkenean abiatutako martxa ezberdinak elkartuko gara, Estrasburgoko kaleak aldarrikapenez betez, eta herri kurdua bakarrik ez dagoela argi erakutsiz.

*Maialen Kortabarria Hala Bediko kideari ARABA HIZPIDE-n egindako elkarrizketa entzungai:

 

Entzun
Euskal  ordezkaritza  #Öçalan-en  askatasunaren  aldeko  nazioarteko  martxan,  tartean,    HalaBedi-ko  korrespontsalia  bat

Euskal ordezkaritza #Öçalan-en askatasunaren aldeko nazioarteko martxan, tartean, HalaBedi-ko korrespontsalia bat

Öçalanen askatasuna eskatzeko nazioarteko martxak Luxenburgo eta Strasburgo batuko ditu datorren otsailaren 1etik 11ra. Askapena eta Hala Bediko bi kidek martxaren nondik norakoak ezagutzera emango dituzte.

Demokraziaren, nazio, etnia eta erlijio talde ezberdinen arteko elkarbizitzaren, amalurraren eta emakumeen askatasunaren aldeko borrokak erdigunean kokatu du herrialde kurdua. Gainera, Kurdistango zonalde ezberdinetan azken urteotan emandako gertakariek (Bakur eta Rojava-n batez ere) erronka izugarriak jarri dizkie mahai gainean.

1999an kurduen askapen mugimenduko buru den Abdullah Öçalan Kenian atxilotu zuten nazioarteko hainbat agenteren (Turkia, AEB eta Ebko hainbat estaturen) arteko kooperazioari esker. Geroztik, Imraliko uhartean bakarturik dute, eta hainbat iturriren arabera, urteetan zehar jasandako tortura fisiko zein psikologikoek bere osasun egoeran izugarrizko kaltea eragin dute. Orain, Erdoganek gidatzen duen AKP alderdiak Oçalan eta kurduen aurka ofentsiba berria abiatu du beste behin ere.

Kurdistango egoera eta batez ere Öçalanen egoeraren inguruan arreta erakarri nahi duen nazioarteko martxak Luxenburgo eta Strasburgo batuko ditu datorren otsailaren 1etik 11ra. Euskal Herritik herri mugimenduko ordezkaritza bat bidaliko da herri kurduari babes eta elkartasuna adierazteko asmoz. Horrela, datozen egunotan, Askapena eta Hala Bediko bi kidek martxaren nondik norakoak ezagutzera emango dituzte, bertan izango diren konferentzia eta tailer ezberdinetan ere parte hartuz. Herritik herrirako elkartasun internazionalista praktikan jartzea ezinbestekoa izango da, oraingoan ere, eta, beraz, adi jarraituko ditugu bertatik datozen egunotan jasoko ditugun kronika eta albisteak.

[Argazki  Galeria]  Ekaitz  In  Da  House  2.0

[Argazki Galeria] Ekaitz In Da House 2.0

Urtarrilaren 21ean, larunbatean, Ekaitz Samaniego preso politiko gasteiztarraren urtebetetzearen harira, ‘Ekaitz In Da House | II. FreeStyle Txapelketa’ ospatu zen Gasteizko Gaztetxean. Besteak beste, artista ezberdinak izan ziren bertan: Tiriki & Traun DjsAbetto Pousa Rua (Indarrap), AneguriaPaula Amilburu, Odei Barroso (2zio), Markes Iraizoz (Kodigo Norte), GatomIker PastorAnder Solozabal, Endika 121 KREW, Jaio, Jagoba Apaolaza, Zesura Euskal Rap

Arratsalde – gaueko argazki galeria osatu dugu:

Irrati  eta  musika  estudioak  martxan  jarriko  dituzte  Errekaleorren

Irrati eta musika estudioak martxan jarriko dituzte Errekaleorren

Lokal berean egongo dira bi proiektuak. Gasteizko musika taldeek duten lokal gabeziari erantzungo diote auzo askean. Ikasturte honetan martxan jarri dituzten proiektuen zerrenda luzera batzen dira biak ala biak.

 

Gorantza doa, etengabe gainera. Goranzta Errekaleor eta gorantza proiektu kopuruek ere bai. Oraingoa, irrati estudioa eta musika taldeen entsaioetarako lokala jarriko dute martxan laster auzoan. Bi proiektuak lokal berdinean egongo dira, Gaztetxearen alboan, eta auzokideek erabiliko badute ere, auzotik kanpoko norbanako zein eragileek ere honetaz gozatu ahalko dute.

Musika lokalarekin, Gasteizko taldeek merkatutik kanpo lortu ahal izan dezaten entsaio lokala izango da. Aski ezaguna da musika taldeek, gazteek batez ere, entsaiatzeko dituzten arazoak, batez ere, lokalen prezioak zeharo altuak direlako. Baina entsaiatzeaz gain, musika grabazio estudioa ere egongo da bertan, abestiak edota diskak produzitu ahal izateko. Horretarako, lokala prest dagoela adierazi dute auzoko kideek.

Irratiarekin, aldiz, produkzio propioa izango badute ere (grabazio puntualak egiteko, kuñak grabatzeko edota beste ahots batzuk biltzeko erabili daiteke irratia), Hala Bedi Irratiarekin elkarlanean aritzea da proiektuko erronketako bat. Etxe honekin, Hala Bedi irratiarekin, gutxinaka – gutxinaka proiektua finkatzen joango gara, baina baliteke bertatik programak edota kolaborazioa egiteko aukera izatea.

 

Proiektuetan sakontzen

Hala ere, bi hauek ez dira martxan dauden edo egongo diren proiektu bakarrak. Aurreko ikasturtean okindegiaren proiektua martxan jarri zenetik, ogi ekizpenak gora egin du. Eta ez soilik auzo mailan: Errekaleorretik kanpo, Gasteiz guztian zehar 200 ogi banaten dituzte astean.

Inprentaren proiektua aurtengo beste erronketako bat izan da. Inprimatzeko eta kartelgintzan sakontzeko materiala lortu ostean, inprenta bat jarri dute martxan, besteak beste, herri mugimenduak erabili ahal izateko edo auzoko lagunek eguneroko lanak materializatzeko.

13 orrietatik 3 orria12345...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR