[Hala  Bideo]  Erreportajea  |  Gasteizko  Kafe  Antzokia  Auzolana  Pilotalekuan?

[Hala Bideo] Erreportajea | Gasteizko Kafe Antzokia Auzolana Pilotalekuan?

Gasteizko Kafe Antzokiarentzat Udalak proposatu zuen kokapena zela eta erreakzio ezberdinak sortu dira Gasteizen. Hala Bedik erreportai bat egin du guzti honek eragin dien partaide ezberdinekin gaur egungo egoreraren nondik norakoak jakiteko. Batetik, Gasteizko Antzokiaren sustatzaile den Lazarrga elkartearekin bildu gara; bestetik, Auzolana frontoiaren egunerokoa daraman Txapa Ahotsa asanbladako kideek ere euren iritzia eman dute; eta, azkenik ,Gasteizko Udaleko EAJko Iñaki Prusilla Euskara zinegotziarekin hitz egin dugu bideo honetan.

Martxoaren  8a,  feminismoa  zorrozten  jarraitzeko  eguna

Martxoaren 8a, feminismoa zorrozten jarraitzeko eguna

Martxoaren 8ak irudi eta ekimen ugari utzi dizkigu Euskal Herri eta mundu guztian zehar. Gasteizen ere, ekimen ugari egon dira. 19:00etan gazte bloke feminista ezberdinak abiatu dira Errekaleorretik eta Sumendi Gazte Espaziotik, Fariñaseko gazte mobilizazioaren bat egiteko. Manifestazio nagusia 20:00etan abiatu da San Anton Plazatik.

Gasteizko Kanpuseko mobilizazioa

Goizean, Gasteizko Kanpuseko Guet talde feministak deituta, nazioarteko paroarekin bat egin dute ikasleek: 09:00etan hasi dira goiz guztian zehar luzatu diren ekimenak. Mobilizazio nagusiak kanpuseko fakultate nagusiak zeharkatu ditu, Ertzaintzaren presentzia handiarekin. Pankartan “Produkzioa, zaintza, kontsumoa. Geratu! M8 paro internazionala” irakurri zitekeen arren, bestelako aldarrikapenak egon dira ibilbide guztian zehar.

 

 

Gazte bat identifikatu dute Fariñasen

Negeak, RKmeak, Guet eta Gasteizko Gaztetxeak antolatutako Gazte Feministon Astearen baitan, bloke ezberdinak abiatu dira mobilizazio nagusiarekin bat egiteko. Lehenengo biak, Judimendi auzoko Sumendu gazte espaziotik abiatu da, eta bigarrena Errekaleor auzo asketik. Judimendiko blokeko neska gazte bat identifikatu dute, Mozal Legea baliatuz, espedientea irekiko diotela esanez. Fariñasen, gazte feminista ugari batu dira alde zaharreko kaleak zeharkatzeko eta San Anton plazatik abiatu den Euskal Herriko Koordinadora Feministak deitutako mobilizazio nagusiarekin bat egiteko.

 

Mobilizazio nagusian milaka herritar batu dira, beste urte batez. Aipatzekoa ere lehen lerroetan, urtero bezala, Gasteizko emakume preso politikoen argazkiak presente egon direla. Manifestazioa bukatze aldera, Benetton eta Stradivarius denden aurkako ekimenak egin dituzte feministek, “Gora Borroka Feminista!” edo “Hemen emakume esklabutza dago” irakur zitekeen kartelekin. Dato eta Postas kaleetan ere, planto egin dute manifestaziora hurbildutakoek, minutu batzuetako eserialdia burutuz. Modu honetan, erahildako emakumeak izan dituzte gogoan.

Hala Beditik egunaren jarraipen berezia egin dugu eta atxikitu dugun txio segida honetan mobilizazioa nagusiaren berria eman dugu, #FeminismoaZorroztu traola erabiliz.

 

*Araba Hizpide magazinean Guet eta Negeak talde feministekin egindako tertulia, feminismoaren orainaldiaz eta etorkizunaz

Tertulia | “Martxoak 8. Orainaldia eta etorkizuna” Negeak eta Guet eragile feministekin

HalaBeditaRock  |  Trailerra:  “Willis  Drummond”

HalaBeditaRock | Trailerra: “Willis Drummond”

Martxoaren 12an HalaBeditarrak saioaren hirugarren atala aurkeztuko dugu. Izena aldatu eta HalaBeditaRock izena erabiliko dugu oraingoan. Izan ere, musikarekin lotura izango duen atala izango da hau.  Willis Drummond taldeak izan duen ibilbideaz egingo dute solasaldi hau eta beraien arteko gogoetak partekatuko dituzte Hala Bedin musika irratsaio ezberdinak jorratu dituzten kide ezberdinekin.

‘Grabatzea  ez  da  delitua’,  herri  komunikabideak  elkarlanean

‘Grabatzea ez da delitua’, herri komunikabideak elkarlanean

Mozal legea edota beste lege batzuk aplikatuz, poliziek eta agintari politikoek ez dute inork ikusi eta epaitzarik nahi funtzionario publiko horien jardun publikoa. Ahotsa, Argia, Topatu, Hala Bideo eta Ekinklik herri komunikabideok, Eleak/Libre mugimenduarekin batera, elkarlanean kanpaina txiki bat abiatzea erabaki dugu: “Grabatzea ez da delitua”. Bideo horietako bakoitzean erpin ezberdin batetik helduko diogu gaiari.

Finean, iturri informatibo bilakatu gara herritarrok Euskal Herrian, munduaren beste bazter askotan bezala. Baina poliziek eta agintari politikoek ez dute inork ikusi eta epaitzarik nahi funtzionario publiko horien jardun publikoa. Informazio eta fiskalizazio eskubidearen aurkako erasoa bizi dugu azken urteotan zenbait adierazpen, lege-erreforma eta polizia-indarkeria, isun eta mehatxuen bitartez.

Ofentsiba zentsuratzaile horren ondorioak nabarmenak dira, bereziki 2015eko uztailaren 1ean Mozal Legea indarrean sartu zenetik. Orduz geroztik, beldur handiagoa diogu herritarrok grabatzeari, eta aitzitik, zigorgabetasun handiagoz aritzen da Polizia. Denon eskubideak praktikara eramateagatik asko dira isundu edo auzipetu dituzten herritar eta kazetariak. Horietako kasu askoren berri izan dugu, baina, zenbatetan uko egin diogu grabatzeko eskubideari Poliziaren mehatxuak behartuta? Horrelakoetan ez da isunik edo epaiketarik, baina kaltea ez da txikiagoa. Hamaika direlako ez grabatzeagatik itzalean geratu diren gehiegikeriak. Errepresio hori ikusezina zaigu eta autozentsura sustatzen du.

Bideo sorta elkarlanean

Egoera horren aurrean Ahotsa, Argia, Topatu, Hala Bideo eta Ekinklik herri komunikabideok, Eleak/Libre mugimenduarekin batera, elkarlanean kanpaina txiki bat abiatzea erabaki dugu. “Grabatzea ez da delitua” leloa ardatz hartuta, informazio eskubidea aldarrikatuko dugu lau bideoz osatutako sorta baten bitartez. Otsailaren 27an hasita astelehenero bideo bat zabalduko dugu, gure komunikabideetan eta sare sozialetan.

Bideo horietako bakoitzean erpin ezberdin batetik helduko diogu gaiari: Lehendabizikoan gaia kokatuko dugu; herritar guztion eskubidea dela azpimarratuko dugu, astebete geroago uste ustel eta informazio desitxuratu interesatuen gainetik, Mozal Legeak ere ez duela Polizia grabatzea debekatzen gogoraraziko dugu; hirugarrenean, grabatzearen garrantzia eta balioa azalduko ditugu; laugarren eta azkenekoan, gure eskubidea den hori praktikara eramateko gomendio batzuk proposatuko ditugu.

Grabatzea ez da delitua, praktikatu ditzagun gure eskubideak.


  1. ‘Polizia grabatzea herritar guztion eskubidea da’

2.  ‘Zure eskubidea da | Es tu derecho’

3. ‘Grabatzearen balioa’

4. ‘Polizia grabatu, bai, baina nola?’

[Argazki  galeria]  #M3moria,  1976-2017

[Argazki galeria] #M3moria, 1976-2017

Martxoak 3. Gasteiz. 41 urte bete dira Espainiako Poliziak Pedro Maria Martinez, Francisco Aznar, Romualdo Barroso, José Castillo eta Bienvenido Perea Gasteizko Zaramaga auzoan erahil zituenetik. Hala Beditik eguneko jarraipen berezia egin dugu sare sozialetan, eta egunak utzitako irudi onenak bildu ditugu argazki galeria honetan.

 

.

HALABEDITARRAK  |  Soziedad  Alkoholika:  «Queremos  que  no  se  olvide  el  3  de  Marzo»

HALABEDITARRAK | Soziedad Alkoholika: «Queremos que no se olvide el 3 de Marzo»


En la segunda edición de ‘HalaBeditarrak’, hemos juntado a Martxoak 3 Elkartea con Juan, Jimmy y Pirulo, de Soziedad Alkoholika, a raíz de la canción ‘No Olvidamos, 3 de marzo’ que acaban de estrenar, y que será parte su nuevo álbum, ‘Sistema Antisocial’, que presentarán el mismo 3 de marzo.

Comparten sus reflexiones sobre cómo vivieron la masacre del 3 de marzo de 1976 en Gasteiz, y sobre qué les ha llevado a crear esta canción para recordar aquello 41 años después. Quieren aprovechar el altavoz de su música para «que no se olvide», y según la Asociación de Víctimas del 3 de marzo, han «reflejado muy bien la demanda de Verdad, Justicia y Reparación» que tantos años lleva reclamando el pueblo de Gasteiz.

Trailer  HALABEDITARRAK  |  Martxoak  3  &  Soziedad  Alkoholika

Trailer HALABEDITARRAK | Martxoak 3 & Soziedad Alkoholika

El miércoles 1 de marzo, estrenaremos la segunda edición de ‘HalaBeditarrak’, en el que juntamos a la Asociación de Víctimas del 3 de Marzo con Soziedad Alkoholika, a raíz de la canción ‘No Olvidamos, 3 de marzo’ que acaban de estrenar, y que será parte su nuevo álbum, ‘Sistema Antisocial’, que presentarán el mismo 3 de marzo. Compartirán sus reflexiones sobre cómo vivieron la masacre del 3 de marzo de 1976 en Gasteiz, y sobre qué les ha llevado a crear esta canción para recordar aquello 41 años después.


Recordar también que este viernes se cumplirán 41 años de la masacre. El mismo viernes, desde HALA BEDI haremos un seguimiento especial de la jornada en nuestras redes sociales y en la misma página web con el hastag #M3moria; la manifestación principal partirá a las 19:00 desde la plaza del 3 de Marzo.

HALABEDITARRAK  |  Irantzu  Varela:  «La  práctica  no-heteropatriarcal  es  la  gran  pelea  de  tu  vida»

HALABEDITARRAK | Irantzu Varela: «La práctica no-heteropatriarcal es la gran pelea de tu vida»


Estrenamos el nuevo proyecto HALABEDITARRAK, un nuevo formato de reflexión entre una persona referente de un ámbito concreto y diferentes movimientos populares o personas de Araba o cercanas a Hala Bedi. En este primer capítulo nos encontramos a Irantzu Varela (feminista radical, presentadora de ‘El Tornillo’ en La Tuerka TV, coordinadora de Faktoria Lila y periodista) y a Negeak, colectivo de jóvenes feministas de Gasteiz.

Con ellas nos adentramos en el feminismo desde la visión de una activista feminista y su largo recorrido dentro de la lucha feminista. Nos hablan del recorrido de Irantzu dentro de este movimiento, de cómo el sistema patriarcal afecta y condiciona la vida de las mujeres, de cómo romper con este sometimiento y cómo aplicar toda la teoría feminista al día a día. Finalmente, también nos hablan del documental ‘Él nunca me pegó’ de Faktoria Lila, un proyecto para ayudar a las mujeres a detectar el maltrato psicológico. El maltrato psicológico no está reconocido socialmente y es la base del iceberg de los feminicdios. «Ojalá me hubiera pegado», es lo que dicen las protagonistas de este documental, ya que el maltrato sólo se reconoce si hay sangre de por medio.

Kurdistaneko  eguzkia  Europa  argitzen,  martxa  luze  baten  kronika

Kurdistaneko eguzkia Europa argitzen, martxa luze baten kronika

Maialen Kortabarriak eta Igarki de Roblesek Oçalanen Aldeko Nazioarteko Martxa Luzean hartu dute parte. Behin Araban, hamaika egun luzeetan jasotako edukiak laburbildu dituzte, albistean txertatu dugun argazki galeria batekin osatuz.

Otsailaren 1ean hasi zen Öcalanen aldeko Martxa Internazional Luzea Otsailaren 11n iritsi zen helmugara. Luxenburgon dagoen Europar Batasuneko Justizia Auzitegiaren aurrean prentsaurreko batekin hasi eta Estrasburgon manifestazio erraldoi batekin amaitu zen. 10 egunetan zehar Alemania zein Frantziako hainbat herri igaro zituen Öcalanen askatasuna eta Kurdistanentzat estatus politikoa eskatzen zituen Lehen Martxa Internazional Luzeak.

Mugimendu kurduak urteak badaramatza ere honelako martxak antolatzen, aurtengoa izan da kide internazionalista militante ezberdinak batu dituen aurreneko martxa. Besteak beste Frantzia, Alemania, Uruguai, Argentina, Andaluzia, Madril, Herrialde Katalanak, Italia, Bretainia zein Euskal Herriko (orotara 19 nazionalitate ezberdin) 80 kide internazionalista izan dira herri kurduarekin elkartasunean mobilizazio honetara batu direnak.

Kurdistanentzat estatus politikoa eta preso politikoentzat askatasuna eskatzea izan dira martxako bi aldarrikapen nagusiak. Bereziki Öcalanen askatasuna eskatzea, bera baita herri kurduaren erresistentzia irudikatzen duen ikurra eta herri kurduak aurrera daramatzan planteamendu ezberdinen sustatzaile eta bultzatzailea. Mugimendu kurduaren erreferente ideologikoa dela esan genezake, konplot internazional baten ondorioz 1999tik Imraliko espetxe-uhartean bakarturik daukaten arren, herri kurduarentzat aterabide errealista, askatzaile eta iraultzailea proposatu baititu.

Konfederalismo Demokratikoa barrutik ezagutzen

Dena ez da izan Luxenburgo eta Estrasburgo banatzen duen bidea igarotzea, martxan zehar hainbat formakuntza jasotzeko aukera egon zen; “Egiaren erregimena”-ren inguruko hitzaldi bat (Öcalanek proposatutako oinarri filosofikoak landu zituena), “Rojavako Iraultza” (azken urteetan Rojavan aurrera daramaten Konfederalismo Demokratikoa landu zuena) eta “Jineoloji” (emakumearen zientzia), besteak beste. Formakuntza politiko zein ideologikoaz gain, ezagupen kulturalak ere izan ditugu familia kurdu abertzaleen (welatparez) eskutik.

Mugimendu kurduaren antolaketan oinarrituz, alde batetik, komunetan antolatzen zen martxa bera eta beste alde batetik, tekmil izena duen kritika-autokritika asanbladak egin izan dira egunero, egunean zehar jazotako gertaerak baloratzeko (eta hala behar bada, hobetzeko) helburuarekin.

Emakumea, bizitza, askatasuna; emakumeak lehen-lerroan

Azpimarratu beharreko beste gai bat emakumeak borroka kurduan jokatzen duen paper berezi eta ezinbestekoa da. Esfortzu handiz lortutako abangoardian kokatu dira emakume kurduak, eta borroka antifaxista eta antipatriarkarraren irudi dira Rojavan egindako lanari esker, besteak beste. Azken urteetan, bizitza ulertzeko ikuspegi iraultzaile bat zabaltzeko izugarrizko lana daramate aurrera “Jineoloji” izeneko zientziaren bitartez. Honen erakusgarri izan daitezke antolakundeetan darabilten “kopresidentzia”, ezin erabakirik hartzea emakumeak ez dauden marko politikoetan edota antolakunde ez-mistoek hartu duten indar eta emankortasuna. Honen lekuko izan da Europan zehar egindako martxa ere, izan ere, emakumeak izan dira uneoro martxaren burua, eta emakumeen autodefentsa lantzeko asanbladak egin baitira.

Eskuin muturreko turkiarren probokazioak eta mehatxuak

Hala ere, martxa ez da uneoro lasaia izan. Eskuin muturreko turkiar faxista zenbaten eskutik hainbat eraso jaso ditu martxak. “Otso Grisen”1 zein AKP-ren2 zeinuak eginez probokatu dute martxa behin baino gehiagotan. Nolanahi ere, eraso bortitzagoak egiteko asmoa erakutsi zuten turkiar faxistek. 7. gauean polizia frantsesaren erabakiz polikiroldegi batean setiatuta geratu zen martxa. 9. egunean, berriz, goizean jazotako istilu batzuen harira polizia frantses eta militarrak martxako 2 kide atxilo eraman zituen, eta egun zein gau osoan zehar luzatu ziren turkiar ultraeskuindarrengandik jasotako erasoak.

Estrasburgo: herri kurduaren duintasunaren erakusgarria

Dena den, martxak bere ibilbidea jarraitu zuen eta Otsailaren 11an Estrasburgora iritsi zen aurrez planifikatu bezala. Bertan, Manheim hiritik irtendako beste martxa batekin elkartu zen Martxa Internazional Luzea. 20.000 pertsona inguru batu zituen manifestazioari kide internazionalistek eman zioten hasiera, betiere emakumeak izanda manifestazioaren burua. “Biji serok Apo” (Gora Apo3 buruzagia), “Jin, jiyan, azadi” (emakumea, bizitza, askatasuna), “Solution politique pour le Kurdistan” (konponbide politikoa Kurdistanentzat), “vive la résistance internationale” (gora erresistentzia internazionala) bezalako oihuak entzun ahal izan ziren egun guztian zehar. Manifestazio amaieran internazionalistek hitza hartu, eta herri kurduari elkartasun eta babesa helarazteko mezuak zabaldu zituzten. Tartean Euskal Herriak bere elkartasuna eta bi herrien arteko ahizpatasuna adierazi zituen. Indar erakustaldi honen ondoren borrokan jarraituko du herri kurduak gizartea eraldatu eta askatasuna lortu bitartean. Bide horretan, argi geratu da herri kurdua ez dagoela bakarrik. Mendeetan zehar jopuntuan egon den herriaren borrokak ez du etenik, eta erresistentziaz jarraituko du zapalkuntzen aurrean.

 

1. Turkiako ultraeskuinako talde paramilitarra. MHP alderdi nazionalistarekin harreman estuak ditu eta bere ekintzen artean mugimendu kurduko kideak erailtzea dago.
2. Turkiako gobernuburu den Erdoganen alderdia.
3.Abdullah Öcalanen ezizena.

 

Argazki galeria: OÇALANEN ALDEKO NAZIOARTEKO MARTXA LUZEA

 

Justizia  eske,  Gasteizko  epaitegien  aurrean  kontzentratzera  deitu  dute  Memoria  eragileek  Martxoaren  3aren  atarian

Justizia eske, Gasteizko epaitegien aurrean kontzentratzera deitu dute Memoria eragileek Martxoaren 3aren atarian

Arabako Batzar Nagusiek aurkeztutako kereila artxibatu izana salatu dute Argentinako Kereila aurrera eraman nahi duten Euskal Plataformako kideek. Besteak beste, Jacinto Lara edo Chato Galanteren babesa jaso dute. Martxoaren 2an egingo dute elkarretaratzea, Gasteizko epaitegien aurrean. 

Gasteizko epaitegiak Arabako erakundeek 1976ko sarraskia argitzeko kereila artxibatzeko erantzuna eman ondoren, Frankismoaren Krimenen aurkako Euskal Plataformak abian jarriko diren ekimenen berri eman du, izen garrantzitsuak bildu dituen agerraldi batean. Besteak beste, bertan egon dira: Josu Ibargutxi, Frankismoaren Krimenen aurkako Euskal Plataformaren bozeramailea, Martxoak 3 elkartea bera, Chato Galante eta Jacinto Lara Bonilla, Espainiako Giza Eskubideen Aldeko elkarteko presidentea eta CEAQUAko abokatua (Coordinadora Estatal de Apoyo a la Querella Argentina).

Agerraldi hau, Martxoaren 3agatik Arabako Batzar Nagusiek aurkeztutako kereila artxibatu ostean egitea erabaki dute. Izan ere, Gasteizko epaitegi batek bost langileen hilketak preskribatuta zeudela ebatzi zuen orain dela bi aste. Orain dela urtebete, salaketa aurkeztu zuten Arabako Batzar Nagusiek, Aldundiak eta Gasteizko Udalak, baina Batzar Nagusiena artxibatu egin du Gasteizko 3. Instrukzio Auzitegiak.

Elkarretaratzea, martxoaren 2an Gasteizko epaitegien aurrean

Martxoaren 3aren atarian, elkarretaratzea deitu dute: martxoaren 2an, 12:00tan, Gasteizko epaitegien aurrean. Sindikatu, alderdi eta eragile guztiei mobilizazio honetan parte hartzeko deia egin diete. Urtero legez, Martxoaren 3ko ekimenek protagonismoa izango dute egun bat beranduago: aurrerago iragarriko ditu Martxoak 3 elkarteak berak.

Soziedad Alkoholika taldea, Martxoaren 3ra begira

Soziedad Alkoholika gasteizko taldeak diskoa estreinatuko du martxoaren 3an, eguna nahita aukeratuta. Izan ere, 1976ko martxoaren 3ko sarraskia izango dute gogoan diskoan. Horren adierazle, diskotik aurreratu duten abestia: ‘No olvidamos, 3 de marzo’

 

13 orrietatik 2 orria12345...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR