Urtarrilean emakume batek eraso sexista salatu zuen Errekaleor auzoan. Orduan, eraso sexisten aurkako protokoloa aktibatu zen, baina erasotzaileak ez du protokoloa errespetatu. «Erasotzailea gure ingurukoa denean erasoari garrantzia kentzeko joera» salatu dute, eta lanketa berezia abiatuko dute honen aurrean Arabako herri mugimenduarekin.

Azken hilabeteotan Gasteizen identifikatutako eraso sexistak salatu dituzte Errekaleor Bizirik!-ek, Lamingorriek (Mendialdea) eta Lautadako eta Gasteizko mugimendu feministek. Salatu dutenez, urtarrilean emakume batek eraso sexista bat salatu zuen Errekaleor auzoan. Horren ondorioz eraso sexisten aurkako protokoloa martxan jarri zen: komisio bat sortu eta erasotzaileari hainbat gunetako sarrera debekatu zioten. Gainera, gaia lantzerako orduan, beste hiru kasu identifikatu ziren.

Eraso berriak ekiditzeko asmoarekin, erasotzaileari lanketa bat egitea proposatu zioten, baina honek protokoloa errespetatu ez duela salatu dute, besteak beste, buruturiko erasoa ukatuz, erasotua jazartuz edo guztia salatzeko ekimen baten aurrean indar polizialak deituz.

«Eraso sexistak ez dira soilik jipoiak eta kale ilunetan ematen diren bortxaketak, heteropatriarkatuaren oinarrizko zapalkuntza estrukturalen ondorio baizik», azpimarratu du mugimendu feministak. «Eta, noski, gure espazioetan ere» eraso sexistak ematen direla ohartarazi dute, «erasotzailea gure ingurukoa denean, erasoari garrantzia kentzeko eta erasoa zalantzan jartzeko joera» indarrez salatuz.

Guzti honen harira, Gasteiz zein Arabako herri mugimenduari deialdia luzatu diote, hemendik aurrera abiaraziko den lanketa berezian parte hartzera.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Partekatu!!!

Irakurritakoaren eragina handitu nahi baduzu zabaldu zure sare sozialetan.