KANTOIA  Ainhoa  Villaverde:  “Hala  Bedi    irratikideek  eta  halabelarriek  egiten  dute,  ez  lizentziek”

KANTOIA Ainhoa Villaverde: “Hala Bedi irratikideek eta halabelarriek egiten dute, ez lizentziek”

Hala Bediko kidea den Ainhoa Villaverde izan dugu gaur Kantoian, aste honetan irratiak lizentzien inguruan plazaratutako oharrari buruz eta irratiaren egoerari buruz aritu gara. Eusko Jaurlaritzaren erabakia eta prozedura salatu, eta sare sozialetan azken egunotan jasotako babesa eskertu ditu, besteak beste.

Azaldu Hala Bedi Irratiari babesa #yallahbedi traolaren bidez.

Entzun
Maccabiren  bisitaren  harira,  boikot  deialdia  egin  dute  Gazako  eta  Gasteizko  BDZ  ekintzaile  ezberdinek

Maccabiren bisitaren harira, boikot deialdia egin dute Gazako eta Gasteizko BDZ ekintzaile ezberdinek

Abenduaren 29an Maccabi Tel Aviv Israelgo taldea egongo da Gasteizen, Baskoniaren aurka jolasteko. Hori dela eta, ‘Maccabi-Israeli Boikot’ aldarrikatuz antolatu diren ekimen ezberdinetaz gain, Hala Bideok eta BDZ mugimenduak elkarlanean egindako bideo batean, Gazako eta Gasteizko BDZ ekintzaile ezberdinek boikot deialdia luzatu diote Gasteizko herriari, Euskal Herriari eta nazioarteko komunitateari.



Alde batetik, Israelgo apartheid erregimen sionistak kirolari palestinarren kontrako jazarpena burutzen duela ohartarazi dute. Bestalde, Tel Aviveko Maccabiren kirol enbaxadore lana salatu dute, estatu sionistaren eta honen armadaren sarraskiak nazioartean zuritzeko helburua duelarik. Adibidez, 2008an ‘Berun Urtua’ edo 2014an ‘Hesi Babeslea‘ operazioak burutzen ziren bitartean, Maccabiko jokalariek soldadu israeldarrei animoak ematera joan izana ere leporatu diote saskibaloi taldeari. Gainera, Maccabik Israelgo armadaren finantziazioan laguntzen duela ere azaldu dute.

Bideoan, Israeli eta bere ordezkaria den Maccabiri kirol boikota egiteko eskatu dute pertsona ezberdinek: besteak beste, Mussa’ab Bashir (kazetari eta preso politiko ohi palestinarra); Abdulrahman Abunahel (Gazako BDZ kanpainako koordinatzailea); Nour Mabi (PSCABI – Boikot Akademikorako Ikasle Palestinarren Kanpaina); Dr. Haidar Eid (PACBI – Boikot Kultural eta Akademikoaren aldeko Kanpaina Palestinarra); Elias Jelda (Palestinako Sindikatuen Federakunde Orokorra) edo Khalil Shahen (PCHR – Palestinian Center of Human Rights). Horretaz gain, Gazako ikasle mugimenduko eta BDZ kanpainako ekintzaile ezberdinak ere deialdiarekin bat egin dute.

Gasteizko BDZ kanpainarekin bat egin duten ekintzaile internazionalista ezberdinak ere agertzen dira bideoan: Alaitz Amundarain (BDZ kanpainako ekintzailea), Gladys Giraldo (mugimendu feminista) edo Jesus Valencia. Gainera, Indar Baskonia Hintxa Taldeak (Baskoniako zaleak), kaleetan eta harmailetatik ere boikotarekin bat egingo duela adierazi du.

Azkenik, Koldo Alzola Hala Bediko kide, Uhintifada irratsaioko esatari eta BDZ kanpainako ekintzaileak azaldu duen moduan, Hala Bedi irratiak ere Maccabi eta Israelen kontrako boikotarekin bat egingo du, Palestinako herriaren eskubideak errespetatzen ez diren bitartean.

*Gaiarekin lotura duten albisteak:

Ekimen ezberdinak antolatu dituzte BDZ kanpainaren baitan, Maccabi Tel Aviv taldearen bisitaren harira

[Iritzia] “BDZ, zilegitasuna irabazita duen ariketa internazionalista” – Igor Goikolea –

1 orrietatik 1 orria1

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies